"إيجار جديد" ديوان شعري لمحمود رضوان

صدر حديثاً عن مؤسسة إبداع للنشر والتوزيع، ديوان عامية جديد بعنوان "إيجار جديد" للشاعر محمود رضوان. يضم الديوان 26 قصيدة متنوعة منها "ورق جرايد، رحيل، حفلة منير، القصيدة المسروقة، اللى رجع م الحرب، قبل باب الدار، قبل الوصول، جميلة ، الشطة ، كبرنا ع الحنين، جرى الصبا، المظاهرة ، رسالة من بلاد الغربة.
يذكر أنه قد صدر لمحمود رضوان من قبل ديوان بعنوان "نضارة نظر" عن المجلس الأعلى للثقافة، كما شارك بعدد من أشعاره وأغانيه في انطلاق مجموعة من الفرق الغنائية مثل "وسط البلد" و"صحرا" و"حواديت" والفريق الإنجليزي "slam uk band"، كما شارك المطرب الكبير محمد منير فى مشواره الغنائي بأغنية "بننجرح" والتي تم اختيارها كواحدة من أهم 40 أغنية لمحمد منير في عدد من الاستفتاءات، ومن أشهر اعماله ايضاً اغنية عم مينا لفريق وسط البلد.
ومن أجواء الديوان قصيدة إيجار جديد:
القلوب دلوقت مابقتش ملك
بقت يادوب إيجار جديد
والحب بقى تقسيط
والمشاعر عربية بتقوم زق
والحق تاه فى الطريق الزحمة جدا
والليل مشبوك فى ليل تانى
والثوانى عمالة بتدق فى ثوانى
ومؤامرة طول الوقت فى عنيك
ويا إما انت طرف فيها
يا اما هتبقى دايرة عليك
وهى لسة بتصلى وبتدعيلك
وكل يوم فى الفجر بالتحديد
ولا بتتعب ولابتمل
ولا بتزهق و لا الدعا بيقل
والسؤال لساه بيطرح نفسه قدام المراية
كل يوم
ايه اللى ممكن تعمله عشانها
لو ف يوم مدت ايديها محتاجالك ؟
والاجابة
هقرالها الفاتحة
وابقى ادعيلها لما تموت
بس يارب .. يارب
اقدر اقوم اصلى الفجر .