ظهور "شفيق" في حفل تخرج القوات الجوية يثير التساؤلات علي الفيس بوك!

ظهور الفريق أحمد شفيق مجددا على الساحة في حفل تخرج القوات الجوية،أ ثار العديد من تساؤلات الفيسبوكيين الذين أخذوا يتكهنون بسبب حضوره مراسم التخرج، خاصة في هذا الوقت الحرج الذي تمر به البلاد من عودة المحتجين إلى ميدان التحرير والاعتصام به، لتبدأ المخاوف في الانطلاق.
وتباينت تعليقات الفيسبوكيين التي رافقت الصورة التي تداولت بكثرة بين الجروبات والصفحات المختلفة على الفيس بوك، فمنهم من أبدى مخاوفه من أن ذلك يعد مؤشرا على عودته مجددا للحياة السياسية، ومنهم من رأى أنه حضر بصفته قائدا سابقا للقوات الجوية، ومن هذه التعليقات:
- عادى جدا يا جماعه الراجل كان قائد القوات الجوية
- ده معناه إن هو اللي هيجي بعد شرف لو شيلتوه اختاروا بقى شرف أو شفيق
- شفيق كان قائدا لسلاح الطيران وكل القواد اللى فاتوا موجودين ... لكن نية المجلس العسكري انه يجس نبض الشعب عشان شفيق مش عارف يترشح للرياسة ولا لا
- عادى جدا الراجل له تاريخ معروف
- ده معناه أن عصام شرف في خطابه امبارح عايز يقول إن أنا ماقدرتش اعمل اللي نفسي اعمله ليكم واللي نفسكم فيه لان القوة اكبر مني
بينما جاءت بعض التعليقات في طياتها السخرية من ظهوره مثل:
- عادى بيطمئن عالثورة المضادة
- كده الصورة ناقصها عمر سليمان ويبقى الشلة كلها اتجمعت ويفتكروا أيام زمان
- بيجهزوه عشان يمسك التكية بعد مبارك
- ده بيوضح حاجة مهمة أن بلوفر شفيق ينفع في شتا أو صيف
- اكيد راح عشان يفرق بونبونى على الخريجين