مش هتلاقي زينا... في خفة دمنا

حتي في أحلك المحن وأشد الأزمات، لم تختف روح الفكاهة والدعابة من الشعب المصري التي وهبه إياها المولى عز وجل.
فبجانب نكتة الخيل والجمال التاريخية التي أبكت الملايين مباشرة من ميدان التحرير، إليكم مجموعة من أطرف النكات "الضاحكة" التي يحاول معها المصريون نسيان ولو لوهلة قصيرة حزنهم.
1- رسالة من تلميذ مصري: أعزائي المتظاهرين في ميدان التحرير .. بخصوص الثورة اللي شغالة عندكم متنسوش إنها هتدخل في مادة التاريخ واحنا اللي بنحفظ !! فاختصروااااا
2- بعد تغيير الحكومة وتعيين نائب للرئيس واقالة صفوت الشريف وجمال مبارك وزكريا عزمى وشهاب وتغيير الدستور وكل ماحدث من تغيير....
مازال الشعب يطالب مبارك ب...
تطليق سوزان
3- عيل غلس: انت عايز ايه يا حبيبى؟ *حسنى يمشى! *ليه كده يا حبيبى؟ *هوا كده لازم يمشى *متستنى للانتخابات الجاية؟ *لا دلوقتى يمشى *طب ما البلد هتبوظ *مش مهم برضو يمشى *طب نتفاهم *لا بعد ما يمشى *انت غبى يا بنى؟ *ايوه بس يمشى *طب يمشى يروح فين ؟! *معرفش بس يمشى *طيب ينفع يجى تانى؟ *ايوه بس بعد ما يمشى.
4- يعني إيه كوكاكولا زيرو... إنك تبقي واقف تحشش في اللجنة الشعبية ويعدي البوكس تفتشه!!!
5- عاجل: الأمطار تسقط على سماء القاهره
وهذا إستطلاع للأراء من ميدان التحرير...
الإخوان: لا حوار مع نظام مبارك قبل توقف الأمطار
البرادعي: النظام مسئول مسئولية تامة عن هطول الأمطار فوق الميدان
حركة 6 ابريل: مبارك وعدنا بالسلامة، و ها هي الأمطار تغرقنا
قناة الجزيرة: وقد أفادتنا الأخبار أن المسئول عن هطول الأمطار هو بلطجية الحزب الحاكم
6- وديع: ولسه يا باشا لما تشوف النهاية بتاعت الاجندة
تهامي باشا: انت اتجننت ولا ايه يا وديع خد الكشكول ده
وديع: استاذذذذذذذذذذذذ
السنة اللي الحزب الوطني رمي الاجندة كل الاحزاب طلعت الكراريس
الحزب الوطني ..ام الاحزاب التانية
7- حسني مبارك عاصر 9 رؤساء إسرائيليين, 3 فرنسيين, 5 أمريكان, إضافة إلى 12 رئيس وزراء بريطاني, 4 مستشارين ألمان, 3 ملوك سعوديين, أميرين قطريين, ملكين أردنيين, رئيسين سوريين, رئيسين فلسطينيين, رئيسين جزائريين, 700 رئيس وزراء عراقي لبناني... ويبقى حسني والصبوحه.
8- مذيعة تسأل صعيدي: لو نجحت مصر في المظاهرات النهارده حيحصل ايه؟
قال الصعيدي: اظن هنقابل تونس في النهائي!!
9- أفلام جيل الثورة: ابي فوق الدبابة.. عودة النت .. المندس والأجندة .. الرصاصة المطاطية لاتزال في جيبي .. في بيتنا بلطجية .. لا اختنق ولكني استغيث .. رد نتي .. ستاتس هزت عرش مصر .. ليلة القبض على عز .. عض بلدي ولا تعض نتي .. جاءنا الرئيس التالي .. نحن لا نرمى المولوتوف .. مهمه في ميدان التحرير .. الريس عمر سليمان .. حرامية في شبرا .. البحث عن دستور.
10- الريس لرئيس الوزرا الجديد: الله.. الناس ماشية في الشوارع لسه يا شفيق؟!!
شفيق: أيوه يا ريس.
الريس: غريبة.. مش النهاردة السبت.. وهم قالوا إن إمبارح جمعة الرحيل؟
شفيق: أيوه يا ريس.
الريس: أمال ما رحلوش ليه؟!!!
11 خبر عاجل: العاهل السعودي يأمر ببناء مجمع سكني للرؤساء السابقين وعائلاتهم ويلغي اتفاقية الانتربول.
12- خبر عاجل تاني: الأمن المصري يؤكد وجود عناصر إخوانية داخل المسيحيين.. ويؤكد: أن الإرهاب.. لا دين له !
13- يعني إيه كوكاولا زيرو؟ يعني نعمل ثورة في مصر، الجزائر تنهي قانون الطوارئ، واليمن تعلن عدم التوريث والأردن تغير الحكومة وهى دى الحياه مع كوك زيروووو.
14- الشعب الليبي يرسل رسالة للعقيد معمر القذافي ويقول له: ايه رأيك يا سيادة القائد.. يوم الأتنين القادم يناسبك؟
15- قال لك تعرف فلان؟ قلت أعرفه... شفت أجندته؟ قال لأ... يبقى ماتعرفوش.
16- تعليقا علي أنه في ناس من بره جايبين لمعتصمي التحرير وجبات كنتاكي، تم القبض علي تنظيم كنتاكي داخل ميدان التحرير وهو يوزع وجبات مهربة للمعتصمين
تبا لهولاء الشباب,,,,شباب فيجتار
17- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة!!