السيسي: لو عاوزنّي أمشي هامشي.. ونشطاء يردون: "خلاص اتفضل"

سخر رواد مواقع التواصل الاجتماعي، من كلمة قائد الانقلاب عبدالفتاح السيسي اليوم، أثناء احتفال وزارة الأوقاف بالمولد النبوي، صباح اليوم الثلاثاء، والتي قال في جزء منها: "لو عايزني أمشي هامشي، من غير ماتنزلوا، بشرط تكونوا كلكوا عايزين كده، مش تيجي مجموعة توجه نفس الدعوات في مناسبة الأعياد التي نحتفل بها.. أنا طائع في ترك السلطة، لأن السلطة بإرادة الله".

وقال شريف الروبي، مسؤول الاتصال السياسي بحركة "6 إبريل- الجبهة الديمقراطية": "السيسي لو شايف إن فيه تأييد له يبقى راجل أعمى".

وأضاف الروبي- في تصريحات صحفية-: "يجب على السيسي أن يدعو لانتخابات رئاسية مبكرة ويلغي البرلمان ويرحل بعدها، مؤكدًا أن السيسي خرب البلد اقتصاديًا وأمنيًا، ومطالبًا بالنظر في حال أهالي سيناء، قبل انضمامهم لتنظيم الدولة جراء ما يتعرضون له من ظلم الدولة".

وتابع الروبي: "هذه التصريحات جاءت لتهدئة الأجواء قبل ذكرى ثورة يناير وتزامنًا مع خروج إسراء الطويل وبعض الشباب، إضافة إلى اختلاف نبرة الإعلام؛ وذلك لتمويت الشارع، لكن الشعب بدأ في الخروج عن طوعه".

وكتب فؤاد حمدي: "وحياتك لو ما كان فيها فايدة ليك انت وشلة الأربعين حرامي ما كنت مسكتها".

وسخرت أميرة مجدي: "عبدالناصر كلاكيت تاني مرة.. فين شكري سرحان يقود مظاهرات التأييد ويقول "لا تتنحى"؟".

ويعلق سيد أبو تريكة: "فكرني بمبارك وهو بينصح صدام وبيقوله لو الشعب مش عايز رئيسه.. المفروض الرئيس يتنحى.. بس كلهم لصوص ومش بيمشوا غير بالدم".

ويقول المعتصم بالله: "إنت عارف ومتأكد إن 80% من الشعب مش طايقك يا بارد يا مسهوك شيل دباباتك من الشوارع وكلابك وإنت تلاقي الملايين نازلة تشيلك.. شالوك على نقالة يا بعيد".

وكتب كريم خليل: "يا عم امشي ولا تغور في ستين داهية وريحنا من وش أمك ده بس طبعًا مش هتمشي كلها مصالح، حسبي الله ونعم الوكيل فيك ياسيسي ياهاشتاج"

وسخر أبو عمر من تصريحات السيسي قائلًا: "لو عايز السيسي يمشي ابعت كلمة ارحل لصندوق تحيا مصر سعر الرسالة نص جنيه".
وقالت أم عمر: "لا والنبي خليك شوية احسن ممكن اعيط ربنا ياخدك يا ابو وش فقر رجعت البلد لورا".