السيسى :"إيدي لا اتعاصت بدم ولا أخدت مال حد". .. ومراقبون :السفاح توغل بدماء المصريين ونهب ممتلكاتهم

قال المنقلب السفاح عبدالفتاح السيسي خلال لقائه بعدد من الإعلاميين: "رد فعل المصريين على التطورات في المنطقة واعي جدا، الناس في مصر منتبهة وفاهمة ومستحملة علشان بلدها، متقلقوش، طب ليه؟ عشان حاجتين أنا معملتهمش، إيدي لا اتعاصت بدم حد ولا أخدت مال حد".
وهو التعليق كاذب بالدرجة الأولى بحسب الشيخ سلامة عبد القوي @AbdelkawySalama الذي كتب "فعلاً مش دم حد واحد .. بل اكثر من 3000 حد في يوم رابعة بس وانا شاهد والله علي ما اقول شهيد ، غير د. مرسي وكل اللي ماتوا في السجون ، #السيسى".
https://x.com/AbdelkawySalama/status/1868392555219657033
وأيده آدم @Adam34789950 "أيدي ماتعاصتش دم ولا أكلت مال حد.. انت ماعملتش غير الحاجتين دول من يوم مامسكت".
https://x.com/Adam34789950/status/1868391034629263481
وشاركهما آخرون منهم حَمْزَةُ @HamzaKhalil31 فكتب".. الغريبة ان دول الحاجتين اللي بيعملهم بقاله 10 سنين سبحان الله".
ورأى حساب مراكبيانو وكفى@moh751، "السيسي بيقولك انا ايدى مش متعاصة دم ولا مديت ايدى على مال حد. سيبك من كدب الكلام مش مهم هو كداب سافل لكن هنا هو مصر على الإجرام وتحدى الناس".
https://x.com/moh751/status/1868388626318655508
وساخرا من كذب السيسي الفاضح قال شعاع نور @EidRaouf55075: "صحيح و رابعة و النهضة و غيرهم و غيرهم يشهد علي ان ايديك متعاصتش دم و المليارات اللي دخلت مصر ومنعرفش راحت فين دليل على انك مخدش مال حد مصدقينك يا بلحة من غير حلفان".
https://twitter.com/EidRaouf55075/status/1868383384197898281
وعلق @osgaweesh، "سيئ الذكر في أول ظهور إعلامي بعد سقوط بشار ولجوئه إلى روسيا .. "إيدي لا اتعاصت بدم حد ولا خدت مال حد".. بس السيسي مش خايف يا جماعة خالص لأ ".
وعلى الطرف الآخر كتب عضو اللجان الإلكترونية هشام سرحان @HishamSarhan19، معترفا بإهراق السيسي لدماء المصريين ظلما وعدوانا بدعوى "إرهاب" وكتب، "دم مين يا شوية ارهابيين وقتلة ومرتزقة انتم هتعملوا المظلومية دى على مين وانتم كلكم ارهابيين وقتلة ورابعة وكر الإرهابيين والقتلة قسما بالله كان مفروض تنضربوا بالنابلم ومفيش حد فيكم يخرج حى بسبب الجرائم الا حصلت والمجرمين والقتلة والارهابيين الا كانوا فى رابعة الإرهابية"..!
https://twitter.com/HishamSarhan19/status/1868382396158222484
وزعم السيسي، "..بفضل الله سبحانه وتعالى وبفضل اصطفاف المصريين المستمر رغم كل التحديات.. المصريون من 2011 وحتى النهاردة وقفتهم هي التي حمت بلدهم، وطبعا في مؤسسات موجودة وهذا جيد وفى جيش موجود وهذا جيد، وفي قوات شرطة أو وزارة الداخلية، وهذا جيد وفي إرادة شعب".
وأدعى السيسي خلال لقائه عدد من سيدات ورجال الصحافة والإعلام ورئيس الهيئة العامة للاستعلامات: "المصريون فاهمين، بدليل إن رد فعلهم رغم كل التطورات رد فعل واعى جدا وفاهم جدا، وأنتوا بتشوفوا مواقع التواصل وتعليقات الناس، والكلام اللى بيتقال ده هو اللى مطمنى إن الناس في مصر منتبهة وفاهمة ومصدقة ومستحملة علشان بلدها، والشعب المصري هو حصن مصر وطبعا ربنا قبل الكل".
وعن الثورة السورية قال السيسي: "ربنا يحفظ مصر طول ما المصريين على قلب رجل واحد وايد واحدة ومع جيشهم شرطتهم ومحدش هيعرف يعمل حاجة، فكل سنة وأنتم طيبين وأسركم بخير وبلدنا بخير وسلام".