"انتش واجري".. أسلوب حياة بزمن الانقلاب ونشطاء: عصابة العسكر دمرت القيم

احتلت عبارة (انتش واجري) صدارة ساحات السوشيال ميديا وأشار بعض النشطاء إلى أن الأغنية التافهة أصبحت أسلوب حياة للشعب المصري في ظل حكم عصابة العسكر ، وكانت البداية بعد انتشار مقطع فيديو لشاب يدعى هيثم ، حاول من خلال الفيديو تقليد أغنية مايكل جاكسون "سموث كريمنال" بكلمات غير مفهومة، في فيديو مدته 45 ثانية، تم بثه عبر منصة تيك توك للفيديوهات القصيرة، لكن سرعان ما تم تداوله على نطاق واسع.
فيما أعلن موزع موسيقى يدعى عادل حقي فسخ تعاقده مع شركة (فودافون) بعد أنباء، نفتها الشركة بعد ذلك، عن تعاقدها مع صاحب تريند "انتش واجري"، بقيمة 420 ألف جنيه.
وكتب "حقي": "بعد انحدار المستوى الأخلاقي العام، وتشجيع شركات الاتصالات على نشر الفسق والجهل والتفاهة ، بل وسرقة الألحان علنا وجهرا، قررت فسخ تعاقدي مع هذه الشركة وإلغاء رقمي".
وأضاف، حقي على حسابه "اللي هيقول لي رزق وربنا لما يريد يرزق عبده والكلام الفارغ ده يمسح نفسه من عندي، كفاية إسفاف بقى، كفاية قرف، اللي طلع علينا وبوظ ذوق الناس وبقينا نسمع قرف وأصوات لا تليق أنها تتسمع في المجاري، كفاية أبوس إيديكم بقى، حد يوقف المهزلة دي، رينجتون إيه اللي تعاقدوا معاه عليه؟ نغمة مسروقة النيزك يارب، النيزك".

انعكاس لذوق متدن
وشن رواد مواقع التواصل هجوما على فريق "واما" بعد نشر الفريق فيديو يقومون فيه بغناء أغنية "انتش واجري"، وانهالت على الصفحة تعليقات رافضة لأداء الأغنية منها: "لا إله إلا الله ماتعملوش كده في نفسكم الأغنية وحشة أصلا وبقت أوحش".

انقسام وغضب
وانتقد الشاعر أمير طعيمة "انتش واجري"، وكتب عبر فيسبوك: "انتش و اجري" مرآة لواقع احنا بنحاول نجمله، انعكاس لذوق متدني و جهل و حالة لا وعي بيشارك فيها معظم الناس بقصد أو بدون قصد، الموضوع بقاله 10 سنين كده بيبدأ بإفيه و استظراف ويقلب لحقيقة على الأرض و فكرة ليها رواد و مدافعون عنها و ناس بتتحول لأصحاب حقوق".
وأضاف "احنا في زمن – مع احترامي للجميع – الصنايعي بقى باشمهندس، واللي بيفك الخط بقى مراسل صحفي، و أي حد يطلع على التلفزيون بقى إعلامي، حتى الدكتوراه ممكن تشتريها بمبلغ زهيد من دول شرق أوروبا، أما بقى لو معندكش أي مهارة مهما كانت بساطتها ففرصة عمرك تبقى فنان".
وانتقدت المطربة اللبنانية رنا سماحة فرقة "واما" قائلة: "للأسف الهزاراية دي فتحت وهتفتح علينا باب مستنقع كبير، وكله دلوقتي اللي قرر يوزع واللي قرر ينتج ويتعامل مع القرف ده على أنه فن.. قبل ما أكون فنانة صغيرة بحارب وسط كتير من محاربين العك، أنا حقيقي حزينة ومش مصدقة اللي وصلنا له ، وإننا خلاص بقينا في عصر الترند أيا كانت قباحته، مش هتكلم عن الإعلام اللي كله ما شاء الله جرى بسرعة كعادته وراء الترند التافه المسف لأن مصداقيتهم وأهميتهم أصبحت باينة للجميع".

دفاع عن التفاهة
ورد عليها المؤلف أيمن بهجت قمر قائلا "إيه المشكلة يا رنا ما فيه أغنية أنت أي كلام والسالمونيلا وكان في أبو الليف هزار على الأقل دول فرقة موسيقية وشباب بيهزر، إيه الإهانة ما هنيدي غنى اموئ وفؤاد كماننا، وطول عمر الدنيا كدا إفيهات وبتتحول لأغاني".
كما دافع عمرو نجل الراحل محمود ياسين عن الأغنية، وكتب عبر فيسبوك: " إيه المشكلة لما يطلع حد زي بتاع انتش واجري ويعمل حاجة غريبة وتبان أنها Fun وتأخد يومينها و باي باي؟ إيه المشكلة؟ طالما علقت مع الناس، ليه لازم نأخد الحكاية ونعملها إيدين ورجلين ونقعد نقول يا خسارة الفن ، وعملنا للي مش عارف إيه سعر وكل الكلام ده؟ ياما تريندات طلعت والناس تكلمت عليها شوية وهزرت و راحت لحال سبيلها عادي".

عبث وضد الإبداع
بدروها علقت نقابة الموسيقيين على "التريند" عبر حمادة أبواليزيد وكيل أول النقابة مشيرا إلى أن النقابة عندما ترفض يُقال إنها ضد الإبداع، وعندما تسكت تتهم بالتخاذل.
وأضاف، خلال مداخلة هاتفية بأحد البرامج التوك شو ، الواحد بيصحى من النوم كل يوم على حاجات غريبة، وللأسف فريق واما خريجين موسيقى على أعلى مستوى، ومينفعش ينجروا وراء هذا العبث.
وعن هذا الأمر، طالب أبواليزيد، خسارة كبيرة تشاركوا في الكلام ده، أنتم تشكلوا وعي مجتمع، ولازم الكل يكون مسئولا.