"لو حسام حسن لعب ضد الزمالك وشخصيته منفصلة عن المباراة مايكسبشي.. لازم شخصيته يسوق بيها المباراة.. القراءة الذهنية والفكرية، يعني انا كاتب في الورقة إن مباراة النهاردة عايزة مراحل الانسجام والذهن وهما القرار، الكورة مش خناقة".... فاروق جعفر.. فاروق جعفر .. فاروق جعفر. صحيح أنه المدير الفني لاتحاد الكرة، مدرب كل المدربين.. لكن سيبكم بقى من كل ده، اللي فرق معانا ان كابتن مدحت رد عليه، وقال: "نعم .. نتفق يا كابتن"... وهكذا قررنا نعود، قالوا هذا الشهر. مساء الأنوار ليه "جول جون انطوي أفشخ من جول حازم امام، اه دي بلغة الفيس".. نعتذر، كابتن مدحت وهو يقرأ رسائله في برنامجه الجديد: مساء الانوار كمان وكمان. جائزة أفضل مراسل مراسل النيل للرياضة: "احكيلنا بقى، جيبت الجول ازاي؟؟".. هذا السؤال موجه للاعب المقاولون الذي سجل هدفا من ركلة جزاء!!! مراسل قناة النيل لسامح عبدالفضيل مدافع الاسماعيلى:أنت غايب ليه عن الماتش سامح عبد الفضيل: موقوف عندي 3 إنذارات. المراسل: لا،ألف سلامه عليك. مراسل نايل سبورت مستضيف "طبيب الزمالك" بين الشوطين وبيسأله: هل الزمالك سيغير طريقة لعبه في الشوط الثاني؟ مراسل النيل للرياضة لمدرب الفريق الخاسر: هارد ليكم النهاردة. جائزة أفضل محلل فاروق جعفر: أصعب حاجة في الكورة، ايه؟ المكسب. فاروق جعفر: "في عرف الكورة، اللي معاه مفتاح هو اللي بيفتح الباب". فاروق جعفر: "النادي الأهلي نادي فني، مش نادي ذهني" مرتضى منصور: "فاروق جعفر بيقعد يقولك المدرب يعمل إيه والحلول شكلها إيه،أنا مابفهمش منه حاجة"..مش لوحدك يا سيادة المستشار والله. فاروق جعفر: "وأسهل حاجة في الكورة ايه؟ الخسارة". أسامة خليل: "أحلى حاجة أن اللاعب حطها من لمسة واحدة داخل المرمى".. الخبير يحلل هدفا جاء من ركلة حرة مباشرة! كريم حسن شحاتة: "تفتكروا قرار محمد رزق بالتسديد كان سليم؟".. سؤال من يدير الاستوديو التحليلي عن الهدف الذي سجله محمد رزق! وجائزة أفضل تحليل علمي عبد الرحيم محمد: "خط الوسط بيكون فيه 2 لاعيبة.. واحد داينامك والتاني الستاتيك، الستاتيك ده اللي بيقعد يتحرك من هنا لهنا". خالد الغندور: الأشول بيفكر اسرع "فيمتو ثانية" من الأيمن.. يا حسرة دكتور زويل. "موسى يدان لعب في بوركينا او جنوب افريقيا مش متذكر، هي عموما افريقيا دي تعتبر دولة واحدة".. مجدي عبد الغني يؤيد الاحتلال الفرنسي. فاروق جعفر: هو ليه المهاجم تمنه 10 أضعاف المدافع؟ لأنه بيلعب كورة مايعرفش المدافع ولا الحارس يتوقعها. جائزة أفضل إعلامي أحمد شوبير: "البرنامج 4 ساعات وكنا خايفيين مانعرفش نملاه، لكن دلوأتي اتأكدنا إننا محتاجين 8 ساعات علشان نلحق نغطي الأحداث الرياضية الساخنة في مصر".. كابتن شوبير: ودلوأتي هنطلع فاصل مع فقرة عن رياضة الزعانف المائية... كابتن شوبير مين قالك أن الزعانف المائية رياضة ساخنة؟! -- "وزي ما عودناكم معانا مجموعة من الاخبار "الحصرية"، وأول خبر معانا من موقع في الجول".. مقدم البرامج الذي انضم لأسرة الإعلام الرياضي المصري، كابتن هشام حنفي. هشام حنفي: "معلش مش لاحقين نقرا الرسايل فهنقرا اسماء اللي باعتنها: محمد احمد، علي، مختار، سمير، تبنا إلى الله، تبنا إلى الله، تبنا إلى الله، جيمي، تبنا إلى الله..." -- "غريبة إن الخط قطع.. المفروض إن مانويل جوزيه معاه سمارت فون يعني تليفون ذكي جدا".. مجدي الجلاد يقدم أوراق اعتماده لدخول نادي قالوا هذا الشهر. جائزة نجم الشهر مرتضى:"عايز ارحب بباتشيكو واقوله الكلمة الوحيدة اللي اعرفها بالانجليزي good night". مرتضى: "ايه القرف اللي في مسلسلات رمضان ده، الواحد بيتفرج على الحلقة من دول ويقوم يستحمى".. رئيس الزمالك واحد محترم. مرتضى: "حضرتك في غراب في النادي، أهوووه، ده بقى كل يوم بيجي وبيجيب اصحابه يقعدوا في ملعب حلمي زامورا ويجبولنا النحس".. الجميل أن سيادة المستشار كان يشير لغراب فعلا باقتناع، لا يوجد استعارة مكنية في الموضوع. مرتضى: "أبرز اللي كانوا مرشحين لتدريب الزمالك، مدرب غانا في كاس العالم اللي فاتت دي على طول، ومدرب الاكوادور، ومانويل دوراتي".. مسابقة الحلقة، استخرج المعلومة الخاطئة من الجملة. جائزة أفضل مدرب طارق يحيى: "الخسارة بتقويك".. طيب بالنسبة للمكسب يا كابتن. علي ماهر: "أنا مش بأؤمن بالحظ، أنا بأؤمن التوفيق وعدم التوفيق".. أنا عن نفسي بأؤمن بالقدر. جمال محمد علي: "قلة الخبرة هي السبب في توديع تصفيات التأهل لأمم إفريقيا تحت 17 عاما".. واللي عنده 17 سنة ده يجيب الخبرة منين؟؟ شوقي غريب: "الناس قطعتني لأني استبعدت علي غزال".. انهي ناس دول يا كابتن؟ محمد صلاح: "ليه قعدت ايمن حفني على الدكة؟ علشان يبقى عندي ورقة رابحة على الدكة".. طب بالنسبة للتشكيل الأساسي حضرتك. المراسل: يا ترى كانت ايه تعليمات مدرب الأسيوطي سبورت اللي أدت للتعادل مع الأهلي؟ أحمد مجدي لاعب الأسيوطي:"لأ، اصل التعليمات مش زي مانتوا فاكرين خالص". ازدراء مذيع قناة النيل للرياضة: "جوووول من الدون.. Ar9..عرفة السيد" .. برجاء عدم ترجمة الجملة للبرتغالية حتى لا تقع مصر تحت طائلة عقوبات دولية. "محمد عبد الواحد من اصحاب القدم اليسرى، فكرنا برينالدو وريفالدو".. نفس مذيع قناة النيل للرياضة. مرتضى منصور: مين عبد الرحيم محمد ده، فاكر نفسه مارادونا. عبد الرحيم محمد: يا سيادة المستشار أنا عملت إنجازات كلاعب وكمدرب، مارادونا معلمش زيهم للزمالك. استقواء بالخارج خطاب الاتحاد المصري للفيفا: نطلب منكم إعفاء الإسماعيلي من العقوبة التي وقعت عليه، لأنه ناد كبير في مصر ويقدم لاعبين مميزين للمنتخب. "أنا في رأيي، الذهاب للفيفا أو المحكمة الرياضية استقواء بالخارج".. مقدم برنامج عالم الرياضة. "لو استقويت بالخارج، الخارج اول من سيبيعك".. رد الضيف المتواجد في برنامج عالم الرياضة. مرتضى: "هابعت للفيفا يشطبوا عمر جابر لانه عضو في جماعة ارهابية".. هذا وقد حصل FilGoal.com على نسخة من رد بلاتر في خطاب رسمي لرئيس نادي الزمالك.. (دير مسيو مرتضى، لو عمر جابر عضو في جماعة إرهابية ماتبلغنيش أنا، بلغ البوليس). جائزة أفضل معلق رياضي محمود بكر: "محمد سعيد قطة من ساعة ما نزل ماشوفناهوشي، ماسمعناش حتى نونوة". مذيع مباراة الأهلي: "اللاعب ماخدش البوزيشن المناسب، يعني القرار والتوقيت غلط". أحمد شوبير: "تمريرة رائعة من بابا وماما وخالو اركو".. تؤتؤتؤتؤتؤؤ. جائزة أفضل محاور "أنا مش عايز أعمل تأثير عليك، بس لو مكانك هاعتذر، واخد بالك.. يالا قول ورايا، أنا اسف يا بابا مرتضى".. شالابوكا مش عايز يأثر على عمر جابر، عايزه يقرا السكريبت على طول. -- وفي ليلة أخرى، برنامج مساء الأنوار كمان وكمان يتصل باللاعب الواعد بهاء مجدي.. الجميع مترقب، هل هذا اللاعب يتوقع المشاركة، هل يستطيع تغطية مكان عبد الشافي، هل توقع الانضمام للمنتخب. ثم يبدأ مدحت شلبي في إدارة الحوار بتلك الأسئلة نصا: كابتن مدحت: عندك كام سنة يا حبيبي؟ بهاء مجدي: 25 يا كابتن. كابتن مدحت: متجوز؟ بهاء مجدي: أه يا كابتن وعندي... كابتن مدحت: البيت عندك زغرط؟ بهاء مجدي: طبعا يا كابتن كابتن مدحت: قلبك رفرف؟ بهاء مجدي: اه والله يا كابتن. كابتن مدحت: بالتوفيق يا حبيبي.
