"آسف ياريس": قول لدستور المرشد "لا" وفكر بعقلك مش بدقنك

دعت صفحة "أنا آسف ياريس" عبر موقع التواصل الاجتماعي "فيس بوك"، المواطنين بالتصويت ب"لا" فى الاستفتاء على الدستور.
كتب أدمن الصفحة "فكر بعقلك مش بدقنك لما تقول "لا".. أنت مش كافر لما تقول "لا"، أنت مش علماني لما تقول "لا" أنت مش فلول متخليش حد يصنفك ويحطك في مكان مش في مكانك، أنت مخير مش مسير، إرادة المرشد والإخوان مش إرادة سماوية لا يجوز رفضها دى إرادة جماعة مجموعة من البشر يجوز آرائهم صح أو غلط".
وتابع "فاكر إنك لو اخترت دلوقتي وقولت "نعم" عشان الجنة والنار اعرف إنك ممكن تقتل أخوك وصحبك وجارك علشان الجنة والنار، ثور على نفسك وخليك قد كلامك قول "لا" للدستور ومتخافش، ربنا مبيدخلش الجنة بآرائنا السياسية وانتمائتنا الحزبية ربنا بيدخلنا الجنة بعملنا وبقلوبنا المؤمنة.. قول للمرشد لا وفكر بعقلك مش بدقنك".