شيرين عبد الوهاب تفاجئ جمهورها بصورة جديدة.. وتوجه رسالة للفنانين

فاجأت شيرين عبد الوهاب جمهورها بنشر صورة جديدة لها بعد غياب طويل، وذلك عبر حسابها الرسمي على موقع الصور والفيديوهات «إنستجرام».
شيرين عبد الوهاب توجه رسالة للفنانين
ووجهت شيرين عبد الوهاب رسالة لكل الفنانين، الذي قاموا بتهنئتها بمناسبة عيد ميلادها، قائلة: «عايزة أشكر كل الناس اللي هنأتني بعيد ميلادي، اللي هما عيلتي الكبيرة، عشان أثروا فيا السنة دي، النجمة الكبيرة سميرة سعيد، ومها صديقتي مش هنسى الفويس بتاعكم بجد فرحتوني جدا، وبخاف عليكم أكتر من أي حاجة».
وأضافت: «أستاذ بهاء الدين محمد، أستاذ وائل جسار، وويجز حبيب قلبي، والإعلامية الكبيرة لميس الحديدي، وبشكر وائل جسار تاني لأنه نجم كبير جدا، وأخويا، وبقوله يا رب يكون في عونكم وتشوفوا لبنان متعمرة، ونرجع تاني نروح ونبقي فرحانين عشان بتبقوا شايلنا من الأرض شيل، والإعلامية الكبيرة لميس الحديدي حبيبة قلبي واستاذتي، وشكرا يا ويجز على معيادتك الجميلة الرقيقة، أنت جميل ورقيق وحساس، وشكرا يا حبيب قوي».
شيرين توجه رسالة شكر لعزيز الشافعي وتوما وتامر حسين
وتابعت شيرين عبد الوهاب: «وبالنسبة بقا للملحنين أستاذنا عزيز الشافعي حبيب وصديقي هو تامر حسين وتوما دول ليهم معزة خاصة في قلبي، هما اللي طلعوني من جديد، وعايزة أقولهم نجاحي دا بهدي ليكم، عشان أنتم شركاء فيه، وأنا مبسوطة أوي أوي أني ليا صحاب زيكم ناس نضيفة».
واستطردت: «الليثي مش عارف أقولكم، هتيجيلي البيت وأعملك أكل ونعقد نأكل ونتكلم ونضحك، أنت غالي عندي أوي، وأغنيتك الجديدة حلوة أوي بسمعها على طول، يعم المجال كله، شكرا يا حبيب كله، أنت خيرك عليا ومش هنسي وقفتك معايا في فرح أختي، شكرا، وكل سنة وأنت بخير، خالد سليم النجم الكبير، ألف شكر يا حبيبي، صديق غالي، وكل سنة وأنت طيب وأنت في بيتك سالم، هايدي موسى شكرا يا حبيبة قلبي أنتي صوتك حلو، وفي حد غالي عليا أوي مش عايزة أنساه ساندي حبيتي شكرا، تامر عبد المنعم المتعهد الكبير، سارة الطباخ شكرا يا حبيبة قلبي، وشكرا يا حسن أبو الروس يا رايق، شكرا لكل إنسان عايدني في عيد ميلادي لأن كان فارق أسمع كلامكم الحلو ليا، وربنا يخليكم ليا، كل سنة وأنتم عيدي».
View this post on Instagram
A post shared by SherinAbdelWahabEG (@sherinabdelwahabeg)