"ثورة الإنترنت": حملة مقاطعة شركات المحمول نجحت.. والموضوع وصل للرئاسة

قالت صفحة "ثورة الإنترنت" على موقع التواصل الاجتماعي "فيس بوك" إن حملة مقاطعة شركات المحمول نجحت خلال ال 5 ساعات الماضية، للضغط على شركات الاتصالات من أجل تحسين الخدمة.
وأضافت الصفحة: "انتهت أول 5 ساعات في أول مرحلة في مليونية مقاطعة شركات الاتصالات بنجاح باهر، مفيش حد مش بيتكلم عن الحملة الموضوع وصل للرئاسة".
وتابعت الصفحة: "لسه كل ده تسخين و أول مرحلة فقط، انتظروا النتائج وبعض الوثائق الهامة في خلال الساعات المقبلة وهيتم نشر كل الصور اللي اتبعتت منكم".
وواصلت: "دلوقتي وبمجرد ما كل الموبايلات تتفتح الشبكات هتقع لمدة بسبب الضغط واللي مكانش مقاطع هيبقي مقاطع بسبب أن الشبكة واقعة، شكراً لكل واحد عمل شير، ووصلها لكل صفحة شيرت ووصلها لكل إعلامي وشخصيات عامة ومشهورة أنهم يدعمونا ويشاركوا معانا كمان، 25 يونيو 2015 يوم مش هيتنسي في التاريخ".