شيرين عبدالوهاب تبرئ حسام حبيب وتتهم شقيقها: «أخويا باعني»

حرصت الفنانة شيرين عبد الوهاب، أن توضح حقائق كثيرة، بعد أن حدث لغط كثير، خلال الأيام القليلة الماضية، في تصريحات تليفزيونية.
شيرين عبد الوهاب تبرئ حسام حبيب
وقالت شيرين عبدالوهاب، خلال التصريحات: «مساء الخير على كل جمهوري الحبيب، أنا فوجئت بكل اللي حصل على السوشيال ميديا من حسام حبيب وأخويا، وحبيت أؤكد أن كلام حسام صحيح جدا، وتصريح اللي نزل دا أخويا باعني ومضى لمحمد الشاعر بتوكيل قديم أنه يحصل على السوشيال ميديا بتاريخ قديم، وكلام حسام مظبوط».
وأضافت: «أنا مبحبش أتكلم عن مشاكلي الشخصية تاني، عشان أنا الناس ما تقعدش تقول إحنا ما وراناش غير شيرين، وعايز أقولكم إني في أغاني كثيرة جدا عملها عزيز الشافعي وتوما، وهتنزل أول ما المشاكل تخلص مع شركة الإنتاج، مش عايزاكم تصدقوا حاجة من أخويا محمد عبد الوهاب، كمان عايز أقول أني رغم المحكمة حكمت اني عقدي انتهى مع روتانا، هما لسه رافعين قضايا عليا، ولكن انا واثقة في قضاء ربنا».
مش عايز أضايقكم بأخبار حلوة وحشة
وأردفت: «صدقوني أنا مش عايز أضايقكم بأخبار حلوة وحشة، لأني واثقة اني كل واحد فيكم عنده مشاكل، ومش عايزة يتقال أنه مفيش غير شيرين، وبعد إذنكم في بيان هينزل من مكتب ياسر قنطوش، وياريت متصدقوش أي بيانات غير اللي بتنزل من ياسر قنطوش، وأي حاجة بتنزل غير كدا بتبقي غلط ومش حقيقية».