رئيس الجمهورية لا يملك عصا سحرية

يا عم اصحى وفوق، رئيس الجمهورية لا يملك عصا سحرية
مش فى يوم وليلة ح يقدر يخلى العيشة حلوة وهنية
وما يقدر يصنع م الفسيخ شربات، راح زمن الشعارات يا عنيّه
كل شىء وله أصول، يا عم فوق وارحم شوية
إن كان حبيبك عسل، ما تلحسوش كله يا نور العين
مفيش ورد من غير شوك، لازم نخلى جهدنا جهدين
بالعمل نزوّد الإنتاج هو الريّس هيجيب فلوس منين
يلّا قوام نعود لعملنا، ونصبر كمان سنة ولاّ اتنين
صحيح وعدنا يوفر زادنا وزوادنا، ووعد الحر دين عليه
وح يحقق العدالة الاجتماعية وح يشيل الغلابة جوه عينيه
واجب علينا نراعى ربنا فى عملنا ونصبر شوية عليه
عشان المركب تمشى وتلاقى بر أمان ترسى عليه
يلّا قوام نترك قصر الرياسة عشان الريس يعرف يرتاح
بعلمنا وعملنا بجهدنا وعرقنا ساعتها العيشة هتبقى براح
بالعمل نحيى الأمل بجهد الرجال العالم والعامل والفلاح
دقت ساعة العمل الهمّة يا رجال عشان البال بقى يرتاح