السقا: لعبت في الأهلي والزمالك والصيد قبل ما أصيب بالرباط الصليبي واتجه للفن

وجه الفنان أحمد السقا رسالة للاعب نادي الزمالك محمود عبدالرازق شيكابالا، قائلًا: «عايز أقولك يا شيكابالا إن الناس كلها بتحبك سواء من جمهور الزمالك أو جمهور الأهلي وإن الدوشة اللي حصلت حواليك الفترة اللي فاتت دي مجرد حاجات بتشتتك».
السقا: جمهور الأهلى مثقف ولديه وعي كبير
وأضاف «السقا» خلال حواره مع الإعلامية أسما إبراهيم في برنامج «حبر سري»، المذاع عبر فضائية «القاهرة والناس»، قائلًا: «جمهور الأهلي مثقف وعلى أعلى درجات الوعي وأكيد بيحترموا لاعب زي محمود عبدالرازق شيكابالا، وجمهور الزمالك شيء مفروغ منه بيحبه زي ما جمهور الزمالك بيحب قفشة ومحمد شريف وفيه لاعيبة كده محدش يختلف عليها».
وتحدث «السقا» عن الهدف الذي لا ينساه لشيكابالا، موضحا أنه الهدف الذي أدخله شيكابالا في الشناوي، وأيضًا هناك هدف أحرزه من نصف الملعب.
ووصف «السقا» محمد مجدي قفشة لاعب النادي الأهلي بأنه «لعيب فلتة»، مضيفًا «ما شاء الله الله أكبر ربنا يحميه».
واعتبر «السقا» أن مصر فيها عدد كبير من اللاعبين ال«حريفة» مشيرًا إلى أن غير المشهورين أكثر من المشهورين «اللي منعرفهمش وفي الضل أكتر من اللي في النور بس شكل الإدارة للاعيبة ودي بتبدأ من التأهيل النفسي وتنمية الموهبة واللياقة البدنية وبتكون درجات بتعلى طول ماللاعب ماشي».
وأضاف: «عندنا لاعيبة كتير جدا كويسين وبدليل لو شوفنا التنقلات اللي في الأندية الفترة اللي فاتت هتلاقي فيه لعيبة مكنش عينك عليها قوي بس عين الآخرين شايفنهم أكتر مننا ومصر مليانة لعيبة حريفة».
السقا: أصيبت بالرباط الصليبي واخترت طريق الفن
وأكد «السقا» أنه لا يتعصب بسبب الكرة وأنه يشاهد كل المباريات «حتى دوري الدرجة التانية لما بيذعوه بتفرج عليه» مشيرًا إلى أنه يشاهد مباريات النادي الأهلي، وأنه لعب في النادي الأهلي مع المدرب إبراهيم عبدالصمد الذي كان يدربه وكان يلعب في الزمالك مع المدرب محمد صلاح والمدرب سمير محمد علي، وكان يلعب في نادي الصيد مع المدرب مصطفى أبوجبل والمدرب محمد عبدالكريم والكابتن عبدالعزيز عبدالشافي مؤكدًا أنه أصيب بالرباط الصليبي حينما كان عليه أن يأخذ القرار بين الاستمرار في الفن أو كرة القدم.