مصطفى درويش «داعما» شريف دسوقي: «الله يقويك ويشيل عنك كل اللي أنت فيه»

استعان الفنان مصطفى درويش بصورة تجمعه مع الفنان شريف دسوقي، من كواليس تصوير مسلسل «ب100 وش» عبر حسابه بموقع التواصل الاجتماعي ليعلق عليها بالقول: «للأسف خبر بتر رجل شريف دسوقي حقيقي ادعوله يا جماعة والله الواحد ما عارف يعمل ايه بس؟».
مصطفى درويش لشريف دسوقي: ربنا يقويك مش عارف أعمل إيه؟
وتابع: «الله يقويك يا شريف ويشيل عنك كل اللي إنت فيه إنت ماتستاهلش كل ده استغفر الله العظيم يارب، ربي إني لا أسالك رد القضاء ولكني أسالك اللطف فيه، ادعوله ربنا يقويه محنة صعبة أوي».
وتعاون مصطفى درويش وشريف دسوقي في موسم رمضان 2020 من خلال مسلسل ب100 وش، مع آسر ياسين ونيللي كريم، وعلا رشدي، ودنيا ماهر، وإسلام إبراهيم، وزينب غريب، ومن تأليف عمرو الدائل وأحمد وائل، وإخراج كاملة أبوذكري.
مخرجة مسلسل 100 وش لشريف دسوقي: القلب بيروحلك فين ماكنت
ووجهت المخرجة كاملة أبوذكري، رسالة دعم للفنان شريف دسوقي، عبر حسابها على «فيس بوك»، بقولها: «لما كنا بنصور مسلسل 100 وش.. في مشاهد حضور جميع الممثلين كتير كانوا بيحاولوا يظهروا بحركة أو بجملة زيادة، ودايما أستاذ شريف كان يقعد ساكت ويقف ورا».
وتابعت: «كنت أقوله حتى لو كنت في أخر الكادر وراء وساكت القلب بيروحولك، والعين شايفاك، كريم نادر مدير التصوير كان دائمًا يقولي، شريف دسوقي مش محتاج نور هو منور لوحده».
واختتمت كاملة أبوذكري رسالتها لشريف دسوقي بالقول: «حضرتك موهبة و قلب نادر، ربنا حيتم شفاك علي خير بإذن الله».