أحمد شاكر: مخرج الاختيار قالي لو خايف من دور «عويس» صارحني

قال الفنان أحمد شاكر، إن بيتر ميمي مخرج مسلسل «الاختيار» رشحه لتجسيد دور الضابط الخائن محمد عويس في أول الأدوار، قبل تسكين أدوار مهمة جدا، «قالي عاوزك في هذا الدور ومتخافش منه وأنا مش براهن على ملامحك الشكلية، لأنه الاستسهال إنه دكتور بيتر ميمي كان يجيب حد وشه في مشاكل أو حد شكله قلق ووشه قلق، أول ماهيتكلم هيدي اللي المخرج عاوزه، وقالي أنا براهن على الممثل اللي جواك وقالي أنت ممثل جامد وأنا عارف أنت ممكن تطلع الشخصية دي إزاي ولو أنت خايف منها وعاوز تعتذر قولي وصارحني».
وأضاف شاكر، خلال حديثه مع الإعلامية خلود زهران، على شاشة «إكسترا نيوز»، «اعتبرت كلمة أنت ممثل جامد دي كأنها تحدي، خصوصا إني راجع بعد سنين طويلة كنت بعيد، ومنها إني مسكت المسرح القومي كأصغر مدير للمسرح القومي، ورجعت للتمثيل بعد فترة طويلة»، كاشفا أنه غاب عن التمثيل حوالي 10 سنوات، منذ عام 2011.
وشدد الفنان أحمد شاكر، أن فريق العمل الخاص بمسلسل «الاختيار2» كانوا بمثابة جنود بكتيبة فنية وطنية هدفها توصيل الحقائق كما حديثت، «لما مصر تكتب تاريخها أحسن بكتثر من أي قناة معادية تكتب تاريخنا وتغالط فيه، وجيلنا دلوقتي من الممثلين عندهم فرصة زيهم زي أجيال حرب 1973، العظماء اللي عملوا أفلام واتربطو بتاريخ حرب 1973 وبطولاتها والجيل ده كان محظوظ إنه بيقدر يتكلم عن تحدي كبير جدا وفترة حرب حقيقية ورجال أبطال عرفوا يعدو بمصر من مرحلة صعبة جدا».
واستكمل الفنان أحمد شاكر، «شوفت إن دي فرصة كويسة إننا نكتب تاريخنا بجيل شباب كاتب شاب ومخرج شاب، وده كان تحدي حقيقي إننا نبين تحديات الجيش والشرطة اللي واجهوا الإرهاب».