القصة وراء أزمة صورة تامر عاشور مع مريضة السرطان: «إعلان وبرتقانة وكوميك»

أزمة صورة تامر عاشور، هكذا يبحث الكثيرون على محرك البحث جوجل، بعد نشر تامر عاشور صورة من إعلان مع مريضة من أجل التبرع لصالح مستشفى لعلاج الأورام على صفحته بموقع فيسبوك، معلقًا عليها «لا خدي أنتي، أنا صايم يا فاطرة، بحبك».
القصة الكاملة لأزمة صورة تامر عاشور
وأثارت صورة تامر عاشور ضجة كبيرة على مواقع التواصل الاجتماعي، وجاءت التعليقات ساخرة منه، وبعيدة عن الدعاء للمريضة أو التبرع لها، حيث كان الأغلبية يتبادلون التعليقات سواء بالكوميكسات عليه أو بانتقاده.
أزمة صورة تامر عاشور
وأزمة صورة تامر عاشور، ربما تنتهي بعد نشر المطرب منشور على صفحته الرسمية بموقع «فيسبوك»، يرد فيها عن الانتقادات والاتهامات السلبية من عدد من المتابعين، حيث وضع صورة مع نفس المريضة وهو يقبل يديها، قائلًا: «صباح الخير، أنا طول حياتي ومشواري عمري ما اتريقت على حد سليم علشان اتريق على مريض حاش لله، واللي أخد كلامي تريقه على مريض نفوسهم ضعيفة، وهم اللي مرضى بيفرقوا بين المريض والشخص الطبيعي».
وأضاف «عاشور»، عن أزمة الصورة: «لو نزلت صورتي مع اي طفل (اللي هو غير مُكلف بالصيام ) وقولتله بأي طريقة (متشربش مياه قدامي يا فاطر) أو (خد دي يا فاطر أنا صايم)، حد هيتكلم؟ مستحيل علشان طفل طبيعي، لكن المريض لأ منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا».
وتابع: «المرض الحقيقي هو التفرقه بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض، المرض الحقيقي هو أن فكرة (المعايرة) جاتلك قبل 100 فكره تانية ممكن تجيلك من جمال البنت وضحكها وبهجة الصورة، وللأسف شوفت كمان حاجة غريبة جدا، ناس كتير قوي محسوبين على (هامش هامش هامش المجال الفني) عمرهم ما شافو مني حاجة وحشة غير اني مباديهمش مواعيد لاقيتلهم تعليقات كأنهم ما صدقوا لاقولي غلطة وانصحهم (العمر بيجري حاولو تعملو حاجة لنفسكم أولى)».
وأنهى تامر عاشور حديثه قائلًا: «البنت اللي في الصورة فضلت في حضني طول تصوير الإعلان وبحبها جدا جدا ومتفقين أنا وهي على حاجات كتير قوي قوي هنعملها».