دنيا عبدالعزيز: أنا عبيطة في صرف الفلوس.. ومفيش حاجة فارقة معايا

عرض برنامج «لحظات جريئة»، الذي يعرض عبر شاشة «القاهرة والناس»، تصريحات عدد من المشاهير حول أهمية المال بالنسبة إليهم، بدأها بالفنان مراد مكرم الذي قال: «أنا مش محوش جنيه، أصرف ما في الجيب يأتيك ما في الغيب، خاصة على بيتي، واشتريت لمراتي في 2014 عربية جديدة، واشتريت لنفسي عربية مستعملة».
وأضاف، أنه يحرص على تلبية كل احتياجات أبنائه، لأن يعتبر هذا الأمر جزءً من مسؤولياته المتعددة تجاههم، إذ تعود على هذا الأمر من والده: «أبويا دلعني وسفرني وأول مرة سافرت بره كان عندي 9 سنين، ولحد ما بلغت كنت بسافر بره، وبالتالي لازم أعمل كده مع ولادي».
وقال المغني الشعبي حسن شاكوش: «أنا مسرف جدا، وبعمل حساب للزمن لأنه غدار»، أما الفنانة نسرين أمين، فقالت: «أنا مسرفة هبل، ومش بحوش»، كما اتفقت الفنانة دنيا عبدالعزيز معها: «أنا عبيطة جدا الحمد لله، وبضيع دلوقتي أكتر، ومفيش حاجة فارقة معايا».
وحول أموال أنفقها بتبذير وندم عليها، قال مطرب المهرجانات الشعبية حمو بيكا: «ندمت كتير من 2019، ضيعت فلوس كتير أوي، والفلوس اللي جاية هخلي بالها منها، مش ليّ لكن لأولادي».
واعترف المطرب عمر كمال أنه أصبح مبذرا: «الصرف بقى أمر واقع، ولأني بطولي وربنا جعلني سبب في رزق ناس، ومش هينفع واحد بس يشتغل معايا، لكن أنا بشيل فلوس، ممكن واحد يطلع بأغنية او أغنيتين ونوري ينطفي شوية».