كان في طريقه لقضاء احتياجاته بمنطقة مصر الجديدة، وخلال رحلة البحث عن مكان يستوقف فيه السيارة، اصطدم بسيارة «محمد يوسف»، المعلق الرياضي ومقدم برامج في قناة أون تايم أسبورت، وحينما بحث عنه ولم يجده، كتب له رسالة اعتذار مع استعداده لإصلاح السيارة على حسابه الخاص، تاركاً رقم هاتفه. « بعتذر لسيادتك أنا أسف، للاحتكاك بسيارة سيادتكم في الإكصدام الأمامي ومستعد لتحمل التكلفة، مهندس عبد الحميد الجنيدي»، تلك كانت الرسالة التي تركها المهندس على زجاج سيارة المعلق الرياضي، مصحوبة برقم هاتفه، ليقوم بنشرها الآخير عبر صفحته الشخصية على موقع التواصل الاجتماعي« فيس بوك»، مصحوبة بتعليق: «نزلت الصبح لقيت الورقة دي علي العربية، وبالرغم من أن العربية اتخبطت لكني كنت فرحان جدا والله بالاخلاق والرقي الكبير ده». المهندس علق الرسالة على زجاج السيارة رسالة الاعتذار جعلت يوسف ينسى ما جرى لسيارته الفارهة، وجعلته يوثق تلك اللحظة على صفحته الشخصية ليقتدي الناس بما فعله المهندس الجنيدي، وفق حديثه ل« الوطن»: «أسكن في مصر الجديدة ونازل الصبح عادي رايح مدينة الإنتاج الإعلامي، لقيت العربية مخبوطة ومعلق ورقة فيها رسالة اعتذار على زجاج السيارة، كلمت الراجل في التليفون، وشكرته على موقفه اللي نساني خبطة العربية خالص وفرحت برقي الرسالة». وأشار إلى أن المهندس الجنيدي أصر على إصلاح السيارة: «كلمته علشان أشكره علي أخلاقه ورقيه في التعامل مع الموقف، وقالي أنا مصمم أني أصلح السيارة علي حسابي في مركز الصيانة قولتله والله العربية متأمن عليها وأنا هاعملها بدون مقابل، قالي خلاص الوقت اللي هاتسيب في العربية في مركز الصيانة أنا هأجرلك عربية نفس الموديل علي حسابي لحد ماتخلص العربية وتستلمها وأنا بعتذر لحضرتك مرة تانية وبشكرك علي إنك مسامحني، قولتله والله أنا اللي بشكرك علشان عرفتني إن لسه فيه ناس بالأدب والأخلاق والرقي ده في الأيام الصعبة دي». يوسف:« رقي وأخلاق ياريت الناس تعمل مثله» انتهت المكالمة وتركت في نفس «يوسف» أثراً جيداً تجاه هذا الشخص الذي لم يلتقيه: «المكالمة فرحتني، العربية ماركتها عالية وواضح أنها صعبت عليه، وكنت فاكر إنه جاري وإنه يعرفني، ولما كلمته عرفت أنه من مدينتي يعني بعيد عني خالص، وكان جاي مشوار البنك قريب من بيتي، وكان بيحاول يفادي سيدة من الاصطدام فاصطدم بعربيتي، لكن رسالته ومكالمته أثرت فيا، وحاول كتير معايا يوفر لي عربية لكن أنا عندي عربية تانية هتحرك بيها، وبصراحة نفسي الناس تقتدي من الموقف ده».