فيديو.. رامز جلال يقدم ريهام عبدالغفور: بسكوتة الشاشة وغريبة الدراما

وقعت الفنانة ريهام عبدالغفور، ضحية برنامج المقالب "رامز مجنون رسمي"، الذي يقدمه الفنان رامز جلال، على شاشة "mbc مصر".
وقدمها رامز جلال، بمقدمة نارية: "العبد لله عنيد ومثابر وبفضل على حلمي لحد ما أحققه.. المدام اللي جاية النهاردة جبتها قبل كده، رد فعلها مكيفنيش، ومن يومها وأنا حاططها في دماغي، وفضلت مستني اللحظة اللي آخد فيها تاري وأشوفها بترقع بالصوت الحياني، وهي مش لاقية حد ينجدها بأعلنها بكل فخر.. اليوم هو يوم العزة والكرامة ورد الاعتبار للضمير المهني، واسترداد حقي المسلوب في تحطيم أسطورة كل أنثى عنيدة تحاول تصمد أمامي".
"معانا الفنانة بنت الفنان بسكوتة الشاشة.. غُريبة الدراما ريهام عبدالغفور".
ولم تسلم الفنانة ريهام عبدالغفور، من سخرية الفنان رامز جلال، الذي ظل يسخر من ملابسها التي حضرت بها للبرنامج، قائلا: "ريهام جت ياجماعة.. إيه اللي انتي لابساه ده يخربيتك.. دي نازلة حضانة مش برنامج.. ميس ريهام رايحة تلاعب العيال بالصلصال، دي كأنها شغالة في محطة موبيل بالأفرول اللي لابساه ده".
وأضاف رامز: "إيه الساعة دي.. دي ساعة رجالي واخدة ساعة جوزها، ولابسة حلق من كريستال عصفور.. لابسة كردان في ودنها ومفيش مكان في وشها يتحط فيه مكياج هي عاملة كل حاجة".
وأثناء التجهيز قبل وقوع ريهام عبدالغفور، في المقلب، طلبت من فريق العمل طلبا غريبا، وسألت عن وجود "واي فاي".
واستمرت سخرية رامز جلال: "دي مش حاطة مانكير.. دي حاطة عسل أسود"، وبسؤالها عن الفنان رامز جلال، قبل اكتشاف وقوعها ضحية المقلب قالت ريهام: "رامز مصيبة سودة"، وظهر رامز جلال، فجأة أمام ريهام عبدالغفور، لتصرخ من الصدمة.
رامز مجنون رسمي
برنامج المقالب الترفيهي "رامز مجنون رسمي" يعرض على "MBC مصر"، بعد أذان المغرب مباشرة، ويُعاد الساعة الواحدة بعد منتصف الليل.
ويقدم رامز جلال برامج مقالب عبر شاشة "MBC مصر"، للموسم الخامس تواليًا خلال شهر رمضان الكريم.