البلد عصفور

ومقطوع الجناح
مش لقيلة ف البلد حتة براح
البلد عصفور واتاه
وإحنا تهنا من ورآه
في الهوا رافع رقابته
بس خيبته مدلدلاه
عينه شايفه كل حاجة
روحة بترفرف خلاص
بس لسه مصدقاه
والوقوع أصبح وشيك
واللي كان بالأمس ديك
بكرة هيبيض من شقاه
البلد بتموت ياصاحبى بالبطئ
والجنازة مش هيطلع فيها غير واحد غريق
مات ف بحر وغربة م الجوع والمهانة
والمعلم لسه بيقولى المكانة
دا انتو بيعتونا قدمنا وورانا
والملك أهو كش مات
مش بقولك هي خانه
بس حتة عسكري انجليزي أمريكانى
والوزير ياخد مكاني
حرك الطابية بطريقتك
وف طابور العيش قابلتك
أنت واقف من زمان
دانت ميت من زمان
أنت مش واخد ياعم بلك ولا إيه
فاكر القطر اللي ولع ف الصعيد
ولا عبارة السلام
ولا طوابير الحديد ولا نواب القروض
ولا تعذيب اليهود
ولا كيس الدم مليان بالبلاوى
ولا تعليم حاجة تكسف أخره نقعد ع القهاوى
ولا إيه ولا إيه
دا إحنا شعب بينسى هو اتعشى إيه
كل واحد ف البلدي حط إيده ف جيب زميله
كله بيهلب ياصحبى من شماله ومن يمينه
والبكاوى ف الرشاوى والمآسى ف الكراسي
واللي ع الكرسي ياعالم مين يشيله
البلد محتاجه قومه
قومه من أجدعها نومه
تقلب الأحوال وتنكش
كل عش لكل بومة
واسمعوها كلمة حكمة
البلد دى عشان تفوق
اقتلوا كلاب الحكومة