أمير طعيمة: حسن شاكوش صوته كويس.. وحمو بيكا عار على البشرية

انتقد الشاعر أمير طعيمة، قرار نقابة الموسيقيين منع أغاني المهرجانات نهائيا، مشيرا إلى أن تعميم القرار "يظلم البعض"، مطالبا بمنح فرصة أخرى لبعض المطربين أصحاب "الأصوات الكويسة"، أمثال حسن شاكوش وعمر كمال.
وهاجم طعيمة على صفحته الرسمية على موقع "فيس بوك"، مطرب المهرجانات حمو بيكا، قائلا: "البوست اللي أنا عامله شير +18 لأنه فيه حقارة أنا مش متخيلها.. مكنتش هقول رأيي في الهوجة بتاعة المهرجانات، لأني شايف كل الآراء مكررة سواء اللي مع أو اللي ضد، و شايف إني أستفيد بوقتي في حاجة أهم، لحد ما شُفت البوست المُرفق ومش قادر ما أعلقش".
وتابع: "فكرة تعميم المنع على الجميع فيه ظلم للبعض، اللي أخطاؤهم قليلة يأخذوا فرصة، ونقومهم ولو غلطوا يبقي العقاب تدريجي، خاصة اللي عندهم أصوات كويسة زي عمر كمال و شاكوش".
واستكمل: "أما اللي زي ده وكل من شارك في الأغاني دي، فأنا مع المنع والإيقاف وكمان رفع دعاوى قضائية لأنه مجرم وعار على البشرية قبل الفن، اللي هتقروه ده لا ليه صلة باختلاف أذواق ولا تنظير ولا حرام وحلال، دي سفالة وقلة أدب".
واختتم حديثه، قائلا: "آخر حاجة لو واحد مش دكتور وفاتح عيادة بيكسب منها لما بتوفقه عن العمل أنت مش بتقطع عيشه، أنت بتصحح وضع خاطئ وبتحمي الناس من شره".