م الآخر| الذنب مش ذنبي أنا

الذنب مش ذنبى أنا
إني موجود هنا
بين الحديد والنار
فين يا ناس ضحكتي
فين ألاقي دنيتى
فين جنة الأطفال
ليه أنا علي الخد نازلة دمعتي
وليه مكسورة لعبتى
وليه الحديد شغلتي
أنا عودي لسه صغار
فين قلمي وكراستي
وليه ماروح أنا مدرستي
ولما أغلط معلمتي تفهمني تعلمني
وليه الأسطى يضربني
وفي ساعات يعلقني
وتوصل حتي ينفخني
فين يا ناس صحبتي
وليه ضايعة فسحتي
وفين الأقي فرصتي
أنا طفل كبير
أنا شايل هموم كتير
أنا يامين يلاقيلي جواب جوايا ألف سؤال.