عرض برنامج "مساء dmc"، الذي يقدمه الإعلامي رامي رضوان، على شاشة "dmc"، تسريبات، لعناصر الإخوان الإرهابية، تكشف عن مخطط التنظيم لمراقبة الأكمنة الأمنية. وجاء في المكالمة الأولى، ما يلي: رجل1: "صاحي ولا نايم؟". رجل 2: "لا مش نايم.. صاحي". رجل 1: "الناس رجالتك واقفين في الأماكن بتاعتهم ولا لأ؟". رجل 2: "طالعين أهو". رجل 1: "مش بتكلم على طالعين، أنا ما بتكلمش على طالعين أهم، عشان ما يتوهوش يعني". رجل 2: "أنا واخد بالي". رجل 1: "هم رايحين يشوفوا هيمسكونا ولا لسه، لا أكدولنا من ناحيتهم الله يكرمك". رجل 2: "بيحصل أهو". رجل 1: "طيب أنت بتقولي طالعين، يعني لسه طالعين دلوقتي؟". رجل 2: "طالعين من الجامع أهو، واتوكلوا على الله". رجل 1: "طيب ماشي، اتوكل على الله وابقى لاغيني". وجاء في المكالمة الثانية: رجل 1: "فيه عربية 2 كابينة فيها 2 وقفت عند المفارق كده شوية، وراحت ماشية نواحي الصالحية القديمة". رجل 2: "المفارق اللي هي بتاعت خضير؟". رجل 1: "اه". رجل 2: "طلعت على الصالحية القديمة؟". رجل 1: "مشيت على القديمة". رجل 2: "تيجي هنا عند الكمين اللي هنا ده". رجل 1: "طيب ماشي". رجل 2: "فيها حد ولا إيه؟". رجل1: "فيها 2 بس، السواق وواحد معاه". رجل 2: "ماهي دي بتعدي وفي التوقيت دا وتروَّح". رجل 1: "أنا في المكان هنا مافيش حاجة خالص". رجل 2: "طيب ماشي، أنا جايلك أهو إن شاء الله بعد 10 دقايق". بينما جاء في المكالمة الثالثة: رجل 1: "أنت فين؟". رجل 2: "أنا داخل عليك أهو". رجل 1: "عديت أبو الجراشيع؟". رجل 2: "آه وفيه كمين هناك". رجل 1: "عبارة عن إيه؟". رجل 2: "بوكس واقف وشوية مخبرين معاهم ضابط واقفين على الطريق اللي هو في اتجاه العلوية، يعني يعتبر طالعين على الطريق قافلينه، اللي هو رايح على العلوية". رجل 1: "في حدود كام عسكري يعني". رجل 2: "يعني هما اللي واقفين تحت كلهم لابسين ملكي، والبوكس فيه عساكر، يعني العساكر في البوكس واللي واقفين تقريبا مخبرين كلهم لابسين ملكي يعني". رجل1: "كام واحد واقف تحت؟". رجل 2: "في حدود 7". رجل1: "يعني أنت عديت؟.. يعني هما 16 اللي دخلوا على الجراشيع". رجل 2: "لا ما احنا عدينا مكنش في حد معدي عليهم.. بس هما يعني مرصوصين قافلين الطريق". رجل 1: "يعني اللي داخل على العلوية؟". رجل 2: "آه اللي داخل على العلوية ده، هيوقفوا ده، وهيُقْفُوا، لأن الطريق الطبيعي هيوقف، لأن الطريق مقفول". رجل 2: "ماشي". رجل 1: "فيه حاجة موجودة تاني قدام في الصالحية؟". رجل 2: "لا.. عادي، دا بعيد عن ما جينا". رجل 1:"ماشي".