بالفيديو| رحمة خالد ل«المتنمرين»: بلاش تحبطوني

وجهت رحمة خالد، أول مذيعة من ذوي القدرات الخاصة، رسالة للمشاهدين بعد أول ظهور لها، اليوم، ببرنامج "8 الصبح" عبر فضائية "dmc"، رسالة لكل من يهاجمها من إعلان قناة "DMC" التعاقد معها.
وقالت "رحمة": "في ملحوظة بس عاوزة أقولها علشان من امبارح وفي ناس بيهاجموني، وبيقولو إزاي رحمة بقت مذيعة.. هو ده مش تنمر؟.. بلاش تحبطوني وإدوني فرصة، ولو غلطت أنا بتعلم".
ووجهت رحمة سؤال للدكتورة مايا مرسي، رئيس المجلس القومي للمرأة: "دكتورة مايا هل كنتي تتخيلي يوم تقعدي قدام مذيعة من ذوي القدرات الخاصة؟"، وردت مايا مرسي: "عمري ما كنت اتخيل.. بس النهاردة كان من أكتر البرامج اللي كنت قلقانة هتسأليني إيه وهجاوب عليكي ازاي كأن البرنامج بتاعك".
وتابعت "مايا": "القدرة غير العادية اللي شوفتها عندك النهادرة تخليكي ميكونش عندك أي نوع من الإحباط، أما التنمر فهو أصبح عادة عليكي وعلى غيرك.. المجتمع أصبح يتنمر بأي حاجة.. ومتخليش أي حاجة تحد من طموحك، ولا حاجة تجيبلك إحباط.. استمري انتي بتفتحي باب لناس كتير أوي، وبتدي أمل لأمهات يشتغلوا على ولادهم، وبحيي مامتك، وبحيي DMC على تدريبك، والاحترافية اللي ظهرتي بيها، ولا يهمك من التنمر".