عشت في يوم للفقر أسير استنيت وصبرت كتير عارف إيه كلمة طوابير أنا لو هشرح هحكي كتير خليني ساكت لما تجوع نقي طابور علشان تاكل خدلك دور ولو هتفكر تيجي مكاني أنا راح أدوسك غصبن عني وقفت كتير لو تعبان يعنى مريض لو هتموت، عايز أتعالج عايز أعيش لأ هتموت، مش من ظلمك مش من عملك بس انت فقير سيبني أتكلم أو سكتني اعمل خير مش هسمعلك مش راح أساعدك أنا مش قادر أساعد نفسي أصلي فقير مهما هتحكي ظروفك ليا أنا مش هسمع حياتك جنة حياتك نار مش هتوجع عندي كتير وأنا مش بير وأنا لو بير يبقى كفاية اتعبيت والحمل كبير متقوليش انت أناني ولّا بتحقد قبل ما تحكم فكر فيا محتاجة شوية تفكير بحمد ربي وبشكر فضله أصل أنا حالي ده من عنده وإن كان فقري ده مصغرني ربي فاكرني ومصبرني ومتعرفش اللي بيصبر ربك وهبه أجر كبير والفقر مهوش فقر المادة ولا نظرات الناس الحادة في غريزة إحساس متواجدة لما تضيع تبقى فقير جرّب تسأل أي فقير عامل إيه، هيقول مستورة مهما بتقسى الدنيا عليه فيه حاجات مبتبقاش منظورة ضحكة في عين ابنه بيشوفها بتخليه من الفرحة يطير مهما بتفضى جيوبه وتسقع برضو في بيته هو أمير مش بالذمة دي نعمة كبيرة لما مراته الست أصيلة برضو تشوفو في عينها كبير أنا آسف لو جرحك لفظي أنا مقصدتش غير الخير وأنا واثق إنك هتفكّر بعد ما أسيبك فيا كتير أي سؤال تلقاه جواك حط إجابته أصلي فقير لما تعوزني راح تلاقيني دوّر بس في وسط الناس مش على عز ومال وفلوس صدقني مش ده المقياس دوّر على بسمة خير دوّر وسط الطوابير على نكتة على زحمة وزنقة على ضحكة وماليها نظير دلوقتي اسمحلي أنا همشي بس أكيد هتشوفني كتير وهقولك برضو اعذرني اعذرني أصلي فقير