انطلاق الموجة الأولى لمظاهرات «ثورة الجوع»

وقفات ب3 محافظات للتنديد بالغلاء.. والمئات يهتفون: «يا مرسى بيه الأنبوبة بعشرة جنيه»

نظم مئات المواطنين سلسلة وقفات احتجاجية فى محافظات الغربية والفيوم ودمياط، للتنديد بغلاء الأسعار ورفع أسعار أنابيب الغاز، مرددين هتافات ضد الرئيس محمد مرسى وجماعة الإخوان.
وتظاهر العشرات أمام مسجد مبارك بمدينة سنورس بالفيوم، ورفعوا لافتات تندد بالغلاء وزيادة أسعار أسطوانات البوتاجاز، وهتفوا: «يسقط يسقط حكم المرشد، ويا إخوانى يا إخوانى.. إنت الحزب الوطنى التانى».
وفى دمياط، نظم العشرات من أبناء مدينة عزبة البرج وقفة بشارع المصنع اعتراضاً على غلاء الأسعار وانقطاع التيار الكهربى. كما نظم أهالى مدينة السرو وقفة احتجاجية اعتراضاً على أخونة المؤسسات وغلاء الأسعار، وهتف المتظاهرون: «مرسى بيه يا مرسى بيه الأنبوبة بعشرة جنيه.. الشعب يريد إسقاط النظام».
وفى الغربية، تظاهر المئات من أهالى قرى ومركز مدينة سمنود، أمام مجلس المدينة، لمطالبة الجيش بالنزول، وإسقاط الإخوان، وإقالة حكومة هشام قنديل، رافعين أرغفة الخبز ولافتات كتب عليها «لا لغلاء الأسعار.. لا لحكومة المرشد».
يأتى ذلك، فيما وزعت حركة 6 أبريل بيانات للحشد لمظاهرات اليوم، للاحتجاج على الغلاء، وقال بيان وزعته بالغربية: «لازم ننزل عشان غلاء الأسعار، عشان السولار، عشان الكهربا اللى بتقطع، عشان أنبوبة البوتاجاز، عشان 3 أرغفة عيش فى اليوم، عشان القمامة اللى فى الشوارع، عشان الأمن، انزل معانا وقول مشكلتك، انزل معانا وطالب بحقك».
كما وزعت الحركة بياناً مماثلاً على المساجد فى الدقهلية، للحشد لمظاهرات اليوم بعنوان «فاضل إيه تسكت عليه»، قالت فيه: «إن هدف الثورة كان عيش حرية عدالة اجتماعية، والعيش مش مقصود بيه «الرغيف» زى ما هما عايزين يقنعونا العيش معناه المعيشة وتوفر الاحتياجات، والآن الاحتياجات العامة لأى مواطن مش موجودة: غلاء أسعار، تدنى خدمات، أزمات، محاربة الناس فى أكل عيشها».