"6 أبريل" بالمنصورة تدعو للمشاركة في "يوم الغضب"

دعت حركة شباب 6 أبريل بالمنصورة المواطنين بالمحافظة إلى المشاركة، غدا، في يوم الغضب بالنزول أمام جامعة المنصورة وبميدان الشهداء حاملين علم مصر.
ووزع أعضاء الحركة بيانا وبوسترات على مساجد المحافظة بعنوان "فاضل إيه تسكت عليه".
وجاء في البيان "فاكرين الثورة؟ فاكرين إيه أهدافها؟ طب فاكرين اللي ماتوا علشان بلدنا تكون أفضل؟ كان الهدف "عيش حرية عدالة اجتماعية"، العيش مش مقصود بيه "الرغيف" زي ما هما عايزين يقنعونا العيش معناه المعيشة وتوافر الاحتياجات، والآن الاحتياجات العامة لأي مواطن مش موجودة "غلاء أسعار.. تدني خدمات.. أزمات.. محاربة الناس في أكل عيشها".
وأضاف البيان "مستنييك يوم السبت 6 أبريل الساعة 12. شارك واحشد ومتنساش علم مصر، سلميتنا هي قوتنا".