لو كنت مكانه: بتشتغل فى مكان وليك زميل متطفل

أمنية الألفى (23 عاماً)
على حسب، لو سألنى سؤال وأنا مش حابة أرد عليه هاخدها هزار، ولو صمم يعرف هقوله: هو أنت شغال فى المباحث؟
إسراء أمان (23 عاماً)
هرخّم وهتطفل عليه لو قال إيه اللى انتى كنتى كاتباه امبارح، حقول: آه ما هو شبه اللى انت كنت كاتبه يوم كذا الساعة كذا.
محمود طاهر (24 عاماً)
لو شخص أمين على أسرارى هفرح إن فيه حد مهتم بتفاصيل حياتى، لكن لو الشخص متطفل يبقى ده تتجنبيه تماماً.
عمرو سليم (22 سنة)
الأول بمنعه بذوق، لو مانفعش بتحول لشخص رخم وممكن أحرجه، فبيحس على دمه ويخليه فى حاله.

تقى الدين عز (20 عاماً)
هدّيله على دماغه وأحطه فى دماغى وهعلمه يتطفل عليا ازاى، بس كل ده بالعقل، ولو مصمم يعرف حاجة هكسفه قدام الناس.
رنا نجم (23 عاماً)
هقول قدامه إنى بكره الشخص اللى بيتدخل فى حياة الناس، ولو فضل مصمم هاخد هقول له على جنب بعد إذنك أنا برفض التدخل.
شريف نصر الدين (24 عاماً)
أكيد مش هحكيله على حاجة خالص، وكمان هقوله على حاجات غلط مش حقيقية علشان ينزل من على ودانى.
مصطفى دبور (22 عاماً)
أنا مبحبش حد يتدخل فى اللى مالوش فيه.. فى الأول هحرجه واقول له: أنا مابحبش حد يتدخل فى حياتى.. لو زوّدها يمكن أضربه لو خنقنى.