"سيبوا إخواتنا المعتقلين".. سلاسل بشرية 25 فبراير للمطالبة بالإفراج عن "مظاليم السجون"

- 14 حملة وحركة وحزب يدعون لسلاسل بشرية للمطالبة بالإفراج عن "مظاليم السجون"
- الداعون: "نازلين نطالب بالحرية للمحبوسين مهما كانت انتماءاتهم وعلشان الانتهاكات بتزيد يوم ورا يوم والداخلية رجعت زي الأول"
دعت 14 حركة وحملة وحزب للمشاركة في سلاسل بشرية من السادسة إلى السابعة مساء 25 فبراير الجاري أعلى كوبري أكتوبر بين مطلع الجزيرة ومبنى الحزب الوطني المنحل تحت شعار "سييبوا إخواتنا المعتقلين- الحرية للجدعان".
وقالت الجهات الداعية للفعالية في بيان دعوتها على "فيس بوك": " إحنا نازلين يوم الثلاثاء عشان إحنا مؤمنين بحقنا في الحرية والكرامة، وعشان نفكر الناس بالمظاليم اللي في السجون ونطالب بحريتهم بغض النظر عن انتماءاتهم".
وأضافت "نازلين عشان الانتهاكات اللي بتزيد يوم ورا يوم، ونازلين عشان إجرام الداخلية اللي رجعت زي الأول، وعشان نوصل رسالة بحقنا في الحرية والكرامة هنقف على الرصيف، مش هنعطل طريق أو نأذي حد، نازلين تحت راية الحرية للمعتقلين مش هنرفع أي شعارات سياسية غيرها".
فيما ضمت قائمة الداعين للسلاسل البشرية كل من "لجنة الحريات بنقابة الصحفيين، وجبهة طريق الثورة، وحملة أخرجوهم، والإشتراكيين الثوريين، وحركة شباب 6 إبريل، وحركة 6 أبريل الجبهة الديمقراطية، وحركة شباب من أجل العدالة والحرية، وحزب مصر القوية، وطلاب مصر القوية، وطلاب حركة مقاومة، وحركة جابر جيكا، وحملة وطن بلا تعذيب، ومجموعة حاكموهم، وصفحة الحرية لعلاء عبد الفتاح".