خالد تليمة : نعم للدستور لا تعني نعم للسيسي .. ومفيش حد له جميل على مصر

قال الناشط السياسي ونائب وزيرالشباب خالد تليمة، إنه سيصوت على الدستور الجديد ب«نعم»لأنه في مجمله جيد.
وأضاف، عبر صفحته الشخصية على موقع التواصل الاجتماعي «فيس بوك»اليوم الثلاثاء، : «هقول نعم للدستور لأنه في مجمله جيد وبرغم اختلافي مع عدد من مواده لا يتجاوز الخمس مواد، إنما رأيي أن مجموعة الحقوق اللي وردت فيه جيدة إلى حد كبير، وهذا الدستور لا يتجاوز كونه منتجًا لمجموعة من الناس اجتهدت وحاولت».
وتابع «نعم مش هتجيب إستقرار ولا هتودي الجنة، اللي هيجيب استقرار هو إيماننا كمواطنين بكل حق انتزعناه في الدستور ده ومدى استعدادنا للدفاع عنه».
كما أعرب عن استيائه من الدعاية السابقة للإستفتاء قائلا: طريقة الدعاية للدستور كانت مستفزة وفجه وخسرت الدستور واللى مقتنعين بيه مش كسبته.
وأبدى نصحه قائلا: «لو هتقول لا لمجرد إن واحد من رجالة مبارك هيقول نعم، يبقى انت بتعند مع نفسك مش معاه، ينفع أقول كلام مختلف معاك ومبقاش طابور خامس وعميل، أو على الناحية التانية أكون بعت الثورة وبلحس البيادة».
واختتم كلامه قائلا: «أنا هقول نعم للدستور مش للفريق للسيسى. والسيسى لو عايز يترشح -برغم موقفي الرافض لترشحه- يقدم برنامج يخاطب بيه عقولنا لأنه بصراحه مفيش حد ليه جميل على البلد دي.. أو على الأقل محدش ليه جميل عليا».