الصباح تنفرد بنشر نص التحقيقات فى قضية تعذيب محاسب المنيب على يد المباحث

حصلت الصباح على نص التحقيقات فى قضية تعذيب ضباط قسم الجيزة لمحاسب المنيب سعد سعيد 27سنة الذى لقى مصرعه داخل حجز قسم شرطة الجيزة اجرى التحقيقات محمد جمال وكيل اول نيابة قسم الجيزة بأشراف المستشار حاتم فاضل رئيس النيابة واستمع الى اقوال شهود العيان فى حضور محمود محمد فتح الباب المحامى .
بدات النيابة التحقيقات بسوال الشاهد الاول
س/ اسمك
ج / هشام شحاته حسين عمر
س/ عمرك
ج/ 26 سنه
س/ ساكن فين
ج/ 1 شارع عمرو بن العاص العزبة القديمه بالمنيب
س/ وظيفتك
ج/ تاجر
س/ ما هى علاقتك بالمتوفى
ج/ صديقى وجارى
س / انت كنت فين وقت الحادث
ج / كنت قاعد فى البيت وسمعت صوت ضرب النار
س/ كان يوم ايه
ج/ يوم الاربعاء الماضى
س/ الساعه كام
الساعة كانت 11 مساء
س/ أية الحصل
انا كنت قاعد فى البيت سمعت صوت طلقات ناريه جريت على البلكونه شوفت الحكومه داخلين بيت سعد وبعد كدة خرجوا جاريينه من رجله وبعد ماخرجوة الشارع سعد حاول يقف راح هشام عبد الجواد ضربه بالطبنجه على دماغه وفضلوا يضربو فيه بالشللاليت فلى بطنه وكان فيه اثنين معاهم عصيان قعدوا يضربوة فى كل جسمه وبعد كدة الحصل جرجروة فى الشارع لحد مطلعوا بيه برة وخدوة فى البوكس، بعد كدة سمعت صوت طلقه و لقيتهم جايين جرى شايلين امين شرطه بينزف دم وسمعت ساعتها واحد بيقولوا مقصدتش يباشا اصلها طلعت غصب عنى ودة حصل بعد ما سمعت صوت الطلقه على طول.
س / كان بينك وبينه مسافة كام متر
ج/ انا كنت فى تانى بلكون وكان بينى مابينه حوالى 6 او 7 متر
س/ شوفت اية لما طلعت فى البلكونه
ج/ شوفت الحكومه داخله بيت سعد وبعد كدة نزلوا منه جارينه من رجله حاول يقف قدام البيت راح هشام عبد الجواد ضربه بكعب الطبنجه على دماغه.
س/ هشام عبد الجواد كان واقف قدامه ولا وراة
ج/ وراة
س/ الطبنجه كانت فى ايدة اليمين ولا الشمال
ج/ مش فاكر كانت فى انهى ايد
س/ ضربه بالطبنجه كام مرة
ج / مرة واحدة
س/ بعدكدة اية الحصل
ج/ سعد وقع على الارض هشام عبد الجواد قال كلبشوا بن كذا كذا وسبه وشتمه وقعدوا يضربوا فيه برجليهم وهشام عبد الجواد فضل يضرب فيه برجله فى بطنه و2 كان معاهم عصيان قعدوا يضربوة فى جسمه كله
بعد كدة جرووه لحد الشارع برة وركبوه البوكس
س/ كانت نيتهم اية بالضرب كانت نيتهم يموتوه
ج/ ماعرفشى نيتهم كانت ايه بس هما ضربوه ضرب جامد قوى
س/ هل الرؤيه كانت واضحه
ج/ ابوة لان اللبان القدام بيت سعد كان حاطط كشاف منور الشارع كله
س / عرفت ازاى انهم حكومه
ج/ كانوا لابسين لبس شرطه
س/ هل لديك اقوال اخرى
ج/ لا
الشاهد الثانى
س/ اسمك
ج/ ممدوح رجب مرسى
س/ سنك
ج/ 30 سنه
س/ ساكن فين
ج/ شارع ناجح متفرع من شارع المدرسه بالمنيب
س/ وظيفتك
ج/ صاحب مخبز
س/ اية علاقتك بالمتوفى
ج/ صديقى وجارى
س/ اية الحصل
ج/ انا كنت واقف قدام محل الالبان الى فى وش بيت سعد والحكومه دخلت البيت الى فيه محل اللبن وطلعت فوق السطح وضربت نار وبعد كدة نزلت وطلعت بيت سعد وضربوا نار ونزلو جاريين سعد فى ايدهم وبيضربو فيه وهشام نصر بيضرب فيه برجله واثنين تانى معاهم عصيان فضلوا يضربوا فيه وراح هشام عبدالجواد ضربه بالطبنجه على دماغه وبعد كدة دخلو بيت ماهر وبعد ماكسرو بيت ماهر والبيت القدامه فيه عسكرى معاة بندقيه خرطوش بيعمرها فطلعت منها طلقه اصابت امين الشرطه وطلعوا يجروا على الشارع برة ومعاهم مأ مور القسم
س/ هشام ضربه كام ربه بالطبنجه
ج/ ضربه واحدة
س/ كان قدامه ولا وراة
ج/ كان وراة
س/ الطبنجه كانت فى ايدة اليمين ولا الشمال
ج/ كانت فى ايدة اليمين
س/ هل الرؤيه كانت واضحه
ج/ ايو لان كان فيه كشاف بتا ع اللبان منور الشارع كله
س/ كان بينك وبينه مسافه كام متر
ج/ كان بينى ما بينه 2 او 3 متر
س/ الحادث كان يوم اية
ج/ الاربعاء الماضى
س/ الساعه كام
ج/ حوالى الساعه 11 مساء
س/ كانت نيتهم اية بالضرب كانت نيتهم يموتوة
ج/ مشعارف نيتهم كانت اية بس هما ضربوة ضرب جامد
س/ عرفت ازاى انهم حكومه
ج/ كانو لابسين ميرى
س/ هل لديك اقوال اخرى
ج/ لا
الشاهد الثالث
س/ اسمك
ج/ احمد سيد احمد
س/ عمرك
ج/ 31 سنه
س/ وظيفتك
ج/ محاسب
س/ ماهى علاقتك بالمتوفى
ج/ صديقى وجارى
س/ كنت فين وقت وقوع الحاث
ج/ كنت فى البيت وسمعت صوت ضرب النار طلعت اجرى على البلكونه
س/ شوفت اية وانت فى البلكونه
ج/ شوفت الحكومه وهما جارين سعد من رجليه ونازلين فيه ضرب واثنين مكالبشينه من ورى وهشام نصر شتمه بابوة وامه بعد كدة هشام نصر ضربه فى بطنه برجليه وضربه بالطبنحجه على راسه وانا بعديهاشوفت العسكرى وهو بيضرب زميله بالنار وراحوا شالوة وجريوا بيه على الشارع وهشام قاللهم مين الضرب النار قالله والله ماقصد يباشا جات غصب عنى.
س/ هشام ضربه كام ضربه بالطبنجه
ج/ ضربه واحدة
س/ كان بينك وبينه كام مترمسافة
ماعرفشى احددها
س/ كان وراة ولا قدامه
ج/ كان وراة
س/ الرؤيه كانت واضحه
ج/ ايو لان نور كشاف اللبان كان ضارب فى الشارع كله
س/ الطبنجه كانت فى ايدة اليمين ولا الشمال
ج/ مشفاكر كانت فى انهى ايد
س/ كانت نيتهم اية بالضرب كانت نيتهم يموتوة
ج/ ماعرفشى نيتهم كانت ايه بس هما ضربوة ضرب مبرح مبرح وسحلوة
س/ هل لديك اقوال اخرى
ج/ لا