شاهد.. كيف دعم تامر حسني لاعب الأهلي مؤمن زكريا ؟

يدعم النجم تامر حسني، اللاعب مؤمن زكريا، وذلك بعد مرضه، الذي أعلن عنه خلال الأيام القليلة الماضية، وقال من خلال منشور له عبر صفحته الرسمية علي موقع التواصل الاجتماعي "فيس بوك":" مؤمن زكريا لا تربطني بيه أي صداقة شخصية .. يربطني به فقط الإنسانية و انه ابن بلدي ، و شفت الڤيديو زي كل الناس".
وتابع تامر حسني : "هو من أهم لاعبي مصر في كرة القدم اتعرض لضغوط و حروب نفسيه ، والدته مستحملتش الكلام السلبي المحبط اللي بيكسر في ابنها قدام عنيها ، تعبت و دخلت المستشفى و عملت عمليه و هو إتصاب بحاله نفسية مرضية كبيرة اثرت على المخ و طريقة نطقه للكلام و الله اعلم اثرت عليه تاني في ايه" .
وأضاف : "أكيد متوسم خير في النادي الأهلي و من جماهير مصر العظيمه سواء من الأهلي أو الزمالك أنهم مش هيسيبوه وهيقفوا جانبه و لو بالكلمه الطيبة التشجيعيه لحد مايرجع بكامل صحته و يفرح قلب والدته عليه من تاني ، جمهورنا المصري العظيم وقت الجد قلب واحد مليان رحمه بيعدي و بيسامح رغم اي إختلاف ، لما بنرحم الناس ربنا بيبعتلنا ناس ترحمنا و اكيد مفيش اي جهاز في البلد يرضى يسيب الراجل دا كدا".
واختتم : "ربنا يشفيك يا كابتن مصر و ترجع تنور الدنيا كلها و الملاعب و ربنا يطمنا على والدتك و تقوم بألف سلامه انت وست الكل" .