شاهد|سمية الخشاب :"أنا حياتى كانت فى خطر مع احمد سعد وفقدت طحالى ومش عاوزة أسجنه"

حلت الفنانة سمية الخشاب، اليوم الاربعاء، ضيفة على الإعلامية بسمة وهبة في برنامج "شيخ الحارة" المذاع عبر فضائية "القاهرة والناس"، وخلال الحلقة ردت على عدداً من الإتهامات التى وجهها لها طليقها الفنان احمد سعد، وفجرت مفاجآت لم تكن متوفعة.


ورداً على سؤال بسمة وهبة، ليه شوهتى صورة احمد سعد؟، ردت الخشاب قائلة"انا مشهرتش بيه، أنا قولت الطلاق رزق، والحمدلله إنى إتطلقت حياتى كانت فى خطر معاه، كان عاوز يقتلنى ، أنا جاية عارفة انا بقول ايه، وعشت تعاسة وبؤس وكنت بحاول يكون فيه ايام حلوة ، كان فيه أكيد ايام حلوة، هو كان عنده ظروف ، زى طليقته ريم البارةدى كانت عارفة، وانا مش هقولها إحتراماً".
أضافت الخشاب،"حياتى إتعرضت للخطر ، كنت هموت وكان هيقتلنى ، وكان هيبقى موجود فى السجن، وخسرت جزء من جسمى، أنا ساكته وساترة عليه ومش عاوزة أعمله مشاكل ولا أسجنه، أنا ست محترمة وعلشان أنا بستر، وحفاظا على العيش والملح اللى هو ميعرفوش، تسببلى فى عاهة مستديمة، أنا فقدت طحالى بسبب أحمد سعد،انا معايا مستندات وورق ".
تابعت سمية الخشاب،"ضربنى فى ضهرى، والضربة كانت متعددة مكان الطحال، إنفجر وانا مش حاسة وفضلت أنزف نزيف داخلى يومين ، وأسالى دكتور يحيى زكريا، وقولتله وانا داخلة العنايا المركزة يادكتور احمد سعد هو اللى عمل كدة، سكت وسترت عليه ،ضرؤبنى وبكى وسبقنى واشتكى، وقتها قالى سامحينى مكنتش فى وعى ".