حقق كليب "ناسيني ليه" للنجم تامر حسني، نجاح كبير منذ طرحه علي موقع التواصل الاجتماعي "يوتيوب"، حيث اقتربت الأغنية من 5 مليون مشاهدة، وتداول رواد مواقع التواصل الاجتماعي الفيديو، الذي نال إعجابهم . سعيد الماروق مخرج عبقري ومبدع وبشكره من كل قلبي علي مجهوده الكبير وعلق تامر حسني علي النجاح من خلال منشور له علي صفحته الرسمية بموقع التواصل الاجتماعي "فيس بوك"، قائلا : " مش قادر اوصفلكم فرحتي ، مليون شكر على كل الكلام الراقي المحترم اللي شايفه من وقت نزول الكليب الحمدلله على الرقم الكبير اللي محققه الكليب في ساعات ، بس والله والله والله ، الإحترام أهم وفرحان أكتر عشان الكليب فكرتي وإيضاً داخل الفكرة، فكرة جديده أخرى في محتوى الصوت بجزء غنائي جديد لم يكن في الأغنية الأساسية ، و طبعاً أخرجها مخرج عبقري مبدع بمعنى الكلمة الأستاذ سعيد الماروق اللي بشكره من كل قلبي على مجهوده الكبير ولسه في فيلم كبير مختلف هو قصتي ايضاً وإخراجه و سيناريو حبيب قلبي الأستاذ محمد عبد المعطي وإنتاج المحترم زيد الكوردي ..انتظروا الفيلم " . وتابع تامر : " مليون شكراً انكم حسيتوا بالمجهود وبإن بلدنا جميله و ياريت نكتر من ابراز جمال بلدنا في اعمالنا القادمة في الفن بشكل عام طبعاً باللي يناسب السياق الدرامي، وعندي لسه افكار لبعض المحافظات الأخرى قريباً هتظهر للنور إن شاء الله " . وأكد : " كان لازم أساهم في إبراز جمال وحلاوة ارض مصر بما ان ربنا انعم عليا بجماهير من جميع انحاء العالم، اخترت ابدأ بالإسكندرية الجميلة البديعة لجمالها وعراقتها وتعلق معظمنا بذكريات حقيقيه فيها ورغم الصعوبات اللي قابلتنا من بعض الجهات الرسمية لمنع التصوير ومعرفش ليه بصراحه، مع ان احنا بنحاول نبرز جمال مصر ولكن معلش اكيد لما شافوا الأغنية فهموا كنا بنعمل ايه و طبعاً بشكر الجهات اللي سمحت بالتصوير وخصوصاً مكتبة الإسكندرية العظيمة لتقديرها لما احاول ابرازه". انتظروا كليب وإنت معايا مع سعيد الماروق والشاب خالد .. و"لولاك حبيبي" مع المخرج الشاب أحمد المصري وأوضح : " فرحان تاني ان الكليب غير انه فكرتي فهو إنتاجي الشخصي لأنه كان تحدي كبير بيني وبين بعض شركات الإنتاج الكبرى ونقاش حاد بين وجهتين النظر بعضهم يقولون ان الجمهور اصبح شديد التفاعل فقط مع انواع اغاني أخرى ونصحوني بعدم صرف كل هذه المبالغ في ما اريد ان اقدمه من محتوى درامي وكان ردي بمنتهى الوضوح عن اي جمهور تتحدثون لايجب الخلط بين عقليات الجماهير لمجرد انكم تطلقوا عليهم اسم جمهور ثانياً والأهم ان الجمهور لما بيلاقي حاجه صادقه تحترم عقله او حتى اغنيه إيقاعيه لا تحمل اي رساله غير البهجة ولكن بها فكره ومجهود حتى لو بسيط بالطبع هيلتف حواليها مثل اغنيات كثير من قبل لي ولغيري، التقصير عمره مكان من الجمهور" . انتظروا فيلم مختلف مع سعيد الماروق ومحمد عبدالمعطي وزيد الكوردي وأضاف : " التقصير من اللي مش بيجدد ومش بيطور وحافظ مش فاهم، بالتأكيد وصلهم دلوقتي ان وجهة نظري كانت الأصح ونفس النقاش حصل وقت عيش بشوقك حينما اردت اتحدث عن واقع مرير خاص بالارتفاع المزهل للأسعار و كيفية التعامل النفسي معه اللي عايز اكده هو ان بالفعل المكسب الأدبي المحترم يجلب المكسب المادي والرقمي حتى لو مش هترجّع اللي صرفته بسبب اخلاصك وتفانيك في تقديم الأفضل وله طعم وإحساس ارقى بكثييير من المكسب المادي الرقمي المصاحب بعدم احترام، كنت قدمت منذ فتره اغنية 180 درجه على شكل فيلم قصير وكان إتجاه جديده في تقديم السينما كليب وهي اغنيه على شكل فيلم قصير و دلوقتي بقدمها بشكل اعمق و أحدث من خلال اهم التقنيات الحديثه في التصوير السينمائي وان شاء الله اكون دايماً عند حسن ظنكم" . واختتم قائلا: " شكراً لكل الجماهير اللي قدرت المجهود ده، طولت عليكم وهطول تاني في البوست اللي جاي عشان في عمالقة لازم اشكرهم بالاسم واحد واحد ساهموا في نجاح ناسيني ليه وبمناسبة حبيب قلبي سعيد الماروق انتظروا خلال الفتره القادمه كليب جديد مبهج يجمعني بالنجم الكبير الشاب خالد بعنوان وإنت معايا، وكليب آخر لأغنية لولاك حبيبي سوف اقدم من خلاله مخرج شاب جديد رائع اسمه أحمد المصري، كل الشكر" .
