عمرو أديب: شعري راح بسبب الزمالك

انفعل الإعلامي المصري عمرو أديب بشدة بعد خسارة فريقه «الزمالك» أمام النادي «الأهلي»، في مباراة السوبر المصري، والتي أقيمت أمس، الأحد 14 سبتمبر، وانتهت بنتيجة «5-4».
أديب أكد أنه كان واثقا من خسارة «الزمالك»، حيث قال: «الزمالك معملش حاجة جديدة بالنسبة لي، وكنت واثق إنه هيخسر، ده أنا قديم، وكمية الجلطات والذبحات بقيت متعود عليها، الأهلي كسب كالعادة وإحنا اتغلبنا سادة، نفسي أفهم يا ربي ليه مبنكسبش مرة صدفة، دائما يفوز الأهلي الصامت اللي ولا بيزعق ولا بيتخانق ولا بيعمل معارك، مدرب الأهلي معملش حاجة وحسام حسن برقبته ميت مرة ومع ذلك اتغلبنا».
وأضاف -في برنامجه «القاهرة اليوم» على قناة «اليوم»: «أنا مش زعلان من الأهلي أنا زعلان من نفسي، أنا بقالي في البرنامج ده 17 سنة، أرجعوا لفيديوهاتي في كل ماتش هتعملوا بيها فيلم تسجيلي، مفيش فريق بيتغلب على طول، طب مفيش أي مراعاة للبني آدمين، أنا شعري راح بسبب الزمالك، أنا كان شعري كثيف وعندي قصة لغاية الثانوي لما كان كابتن حسن شحاتة وكابتن فاروق جعفر وكابتن علي خليل بيلعبوا، اتغيرت الدنيا شعري كله راح والقصة طارت».
وكان «الأهلي» قد توج بطلا للسوبر المصري بعد فوزه على «الزمالك»، في مباراة أمس، بركلات الترجيح بنتيجة «5-4».