بإن البعد كان نسيان وأن الفرقة كات مسافات وإن الحب جوايا ف يوم هيموت أكون كداب وأقول أنى أكيد هبعد عشان البعد كان شوقك لكن شوقك ما ود البعد يا بنت الإيه يا راسمانى خيال من نور وقسمانى بدن مكسور وانا لسة بقول أنتي اللي عاشقها ف روح الروح انا المجروح ومش مجروح ما أنا ذنبى عشان البوح وكان القلب مستعجل يمد الخطوة ويسابق عشان يفرد مشاعره طريق وتتصاحب خطاويكى معاه تمشى أتاريكي بكل قساوة بتدوسي ومش فارق معاكى دموع ولا حتى حنين قلبك ورعشة كفك النونو فى ساعة عصر ع الكورنيش وبتدارى عيونك ليه بعيد عنى وفيكى حاجات كتير منى ومش عارف بتهربى ليه يا بنت الإيه أنا الميت على حدودك وانا المستنى لنداكى وانا رغم البعاد ببقى ف طول الوقت وياكى بنتلاقى ونتمشى من الجامعة لحد هناك ونتصور مع انى ما كنت فيوم أنا اتصور يكون البعد بأديكى ومين قلك بإن البعد كان نسيان وإن الفرقة كات مسافات