فين رايح شهر الصيام.. ابقى امشى لو حد نام.. طول يومنا بنصلى فروض.. وفى ليلك أنفال وقيام.. من أول ما علينا تهل.. والبركة فى بيتنا بتحل.. وهلالك بيزيد ويقل.. وتعدى أحلى الأيام.. فين رايح وتسيبنا لمين؟.. يا موحد المسلمين.. فى مساجد رب العالمين.. ومن الزحمة فى الخلا وخيام.. فين رايح ولمين حاتروح؟.. مين غيرنا لو تمشى ينوح.. ده عشان فيك إفطار مسموح.. لا باسافر وباصوم عيان.. ده شهرك مافيهوش شيطان.. وفى غيرك فينا شبطان.. وفى آية من القرآن.. يبعد لما نكون فى صيام.. أنتظرك وأنا ملهوف.. من ذنبى بافضل مكسوف.. وبتيجى ويروح الخوف.. ليه تمشى وأنا مش دريان.. لك عندى والله ندر.. يا مشرفنا فى غزوة بدر.. راح أسامحك لو كنت حاتمشى.. بس تجيب لى ليلة القدر. [email protected]