أول تعليق من رامي إمام على الجدل المثار بين شقيقه وأحمد العوضي

علق المخرج رامي إمام على الجدل المثار بين شقيقه محمد إمام وبين الفنان أحمد العوضي بشأن الأعلى أجرا والأكثر مشاهدة حيث قال إن كل ذلك فقط فكاهة ليس أكثر.
أضاف رامي خلال التصريحات التلفزيونية، "احنا كلنا زمايل وكل اللي بيحصل مناغشات مش أكتر وفي الآخر المستفيد من كل ده هو المشاهد".
وكان علق الفنان محمد إمام على تصريحات الفنان أحمد العوضي بشأن كونه الفنان الأعلى أجرا والأكثر مشاهدة في الوسط الفني وذلك من خلال حسابه الشخصي بموقع التواصل الاجتماعي "فيس بوك".
كتب محمد، "طيب علشان بس نحسم الجدل؛ لأن في تصريحات نزلت على لساني أنا ما قولتهاش.. عادل إمام هو ما زال أعلى أجر في الوطن العربي، وما حدش مننا يقدر يقرب للرقم بتاعه".
أضاف محمد، "وفي نجوم كبار في السينما بيجيبوا أعلى الإيرادات، ونجوم متألقين بيدغدغوا الدنيا في المسلسلات بيتقاضوا أعلى الأجور.. بس ده ما يمنعش إن أنا برضه الأعلى أجر فيهم".
تابع، "تحياتي لكل زمايلي الفنانين.. كلنا بنبذل أقصى مجهود عندنا علشان نسعدكم، ربنا يوفق الجميع.. والبوست ده هزار مع صحابي والناس اللي بتحبني.. علشان مش عاوز دَوشَة".
تم نسخ الرابط