تعليق مفاجئ من تامر حسني بعد تراجع محمد سامي عن قرار اعتزال الاخراج

حرص الفنان تامر حسني على توجيه رسالة للمخرج محمد سامي وذلك بعد تراجعه عن قرار اعتزال الفن وذلك من خلال حسابه الشخصي بموقع التواصل الاجتماعي "فيس بوك"، حيث كتب: "ربنا يكرمك يا محمد صح كده احسنت قولاً".
أضاف تامر، "ومتأكد هيبقى قولاً و فعلاً و زي ما تميزت و بقى في نهج واضح ليك نجح لسنين طويله ، بعد كلامك ده حسيت انك ان شاء الله هتعمل خطوه مهمه هتبقى نقله كبيره ليك
ولدرامتنا المصريه و العربيه و المكسب الكبير هيبقى للجمهور ربنا يوفقك يا حبيبي".
وكان تراجع المخرج محمد سامي عن قرار اعتزاله الإخراج بعد مسلسل إش إش ومسلسل سيد الناس وذلك بعد اعتزال لمدة 6 شهور متتالية معلنا الخبر من خلال حسابه الشخصي بموقع التواصل الاجتماعي "فيس بوك".
كتب سامي، "رد كليتي للمخرج محمد سامى، بسم الله، بكتب مسلسل جديد، سيكون بأمر الله الأهم في مسيرتي الفنية والأعلي مشاهدة وجدل، حكاية جديدة لم يتم تناولها من قبل في أي عمل فني سواء عالمي أو محلي، هصور إمتي ومين الأبطال وهينزل إمتى، كل ده معرفهوش لسه ولا فبالي".
أضاف محمد سامي، "كل اللي أعرفه أنه سيكون أرقي وأميز أعمالي وسيكون عمل يحترمه ويقدره كل بيت عربي، إدعولي يخلص بنفس القوة اللي بدأ معايا بيها، واللي مفرحني في العمل ده، إني كنت بحاول ألاقي معادلة صعبة جدًا بالنسبالى".
تابع، "وهي إزاي العمل الجماهيري النهاردة بمتطلبات السوق يكون فني بحت زي أعمال كتير إتقدمت زمان من أساتذتنا وإزاي أقدر أخد موضوع يهم المجتمع لقوة الجذب اللي إعتادها الجمهور العربي مني وماتبقاش مشاهداته محدودة أو نخبوي مع إحترامي لمحبي الأعمال النخبوية".
واختتم حديثه قائلا: "إزاي أغير تماما عن كل حاجة قدمتها وأعمل بنصيحة الأستاذ طارق الشناوي وهي التغيير قبل تشبع الجمهور، والحمد لله لقيت ده في مشروعي الجديد، الله الموفق ويكمل إن شاء الله على خير".
تم نسخ الرابط