عمرو أديب مدافعًا عن محمد فؤاد: "الراجل اتقطع حتت ومسكوا في كلمة"

علق الإعلامي عمرو أديب، على الهجوم الذي تعرض له الفنان محمد فؤاد خلال حفلته الأخيرة في المملكة العربية السعودية.
وقال "أديب" خلال تقديم برنامجه "الحكاية" المذاع على فضائية "إم بي سي مصر". "الراجل كان سعيد وكان مبسوط أنت بتتكلم على أغاني من الثمانينات والناس سعيدة ومبسوطة وفرحانة به".
وأضاف "خلينا اقولكم على لغز أنا مش فاهمه كل ما نروح حفلة في الرياض قبل ما نمشي مش حصلت مرة حصلت 20 مرة لدرجة أننا قاعدين نقول الضربة جاية فين".
وتابع "الحفلة ناجحة ومكسرة الدنيا وشيء عظيم وجميل والناس سعيدة ومبسوطة تيجي تبص على السوشيال ميديا هجوم فظيع ومريع محدش عدى من الحكاية دي".
واستطرد "قول أي اسم محدش بيروح يغني عقبال ما يوصل يكون اتقطع حتت هي الحفلة مش عجباكم طيب الراجل غنى وحش طيب المسرح والمزيكا وهندسة الصوت طيب ام بي سي اللي بتذيع كله يقول لا".
وأردف "يتساب التعب والمجهود ويمسكوا في كلمة وتقعد تتلف دواير وشتيمة وهجوم غير طبيعي ده ابن بلدك. والفنان حبيبك طلع قال كلمة زيادة أو خانه التعبير اللي اتعمل في محمد فؤاد غير طبيعي من امبارح والنهاردة دي القوة الناعمة يا جماعة".