هذا ما قاله محمد لطفي عن مدي تواضع الفنان أحمد زكي!

في حوار تليفزيوني سابق للفنان محمد لطفي، تحدث الفنان عن مدي تواضع الفنان الراحل أحمد زكي كاشفاً كيف كانت العلاقة بينهما أثناء التعاون في فيلم "النمر الأسود".

محمد لطفي يكشف التواضع الكبير للفنان أحمد ذكي
فتحدث الفنان محمد لطفي عن علاقته بالفنان الراحل أحمد زكي فقال :"كانت علاقة جميلة جدا ، أستاذ أحمد زكي مكنش فنان عظيم وبس ده كان انسان عظيم كمان ، أعظم انسان عرفته في حياتي ، شخص بسيط جدا ومتواضع جدا وأنا كان عندي رهبة ان أنا هقف قدام النجم الكبير أحمد زكي اللي بحبه من فيلم "النمر الأسود" لاني كنت ملاكم.
واسترسل محمد لطفي حديثه: "في يوم في التصوير كنت جايب سندوتشات فول وطعمية وقاعد ع الرصيف باكل فلقيت استاذ أحمد زكي بيقولي أنت بتاكل ايه ؟! ، قلتله أتفضل يا أستاذ ولسه هقوم أروح له قالي لا خليك زي ما انت انا هاجي اقعد معاك .. جه قعد معايا ع الرصيف في الشارع وكلنا وانا لسه بقوله يا أستاذ ، قالي لأ ما خلاص بقى انا هنا حسن هدهد صاحبك سيبك من أستاذ والحاجات دي".
وواصل محمد لطفي حديثه قائلاً:"من صدق عينيه وهو بيكلمني صدقت ان ده هدهد صاحبي وقعدنا نتكلم ونضحك ففيه جروب عيال خواجات كانوا معديين من قدامنا ع الرصيف فقعدنا انا وهو نقولهم ?hello where are you from، اللي طلع من إنجلترا واللي من استراليا، وقعدنا نتكلم معاهم".
وأختتم محمد لطفي حديثه: "خيري بشارة عجبه الجو فجاب واحد من العيال الأجانب دول خلاه يمثل معانا في مشهد الزنزانة وبعد كده حصل الأحلى بقى واحنا رايحين نصور الغنوة قزقز كابوريا، خيري عجبته فكرة اننا يبقى معانا أجانب كتير في الأغنية فرحنا الأوتيل اللي كان ساكن فيه الواد الأجنبي اللي مثل معانا ده فلقينا جروب من استراليا 18 ولد وبنت كان معاهم مين بقى ؟؟ كيت بلانشيت اللي اخدت الاوسكار مرتين كانت أول مرة تمثل في حياتها لما طلعت معانا في أغنية كابوريا، وحكت هي القصة دي علفكرة فده للتاريخ يعني ان محمد لطفي هو اللي اكتشف كيت بلانشيت".

وفاة أحمد ذكي
وكان الفنان الراحل أحمد ذكي قد توفي في 27 مارس 2005، عن عمر ناهز 55 عاما، إثر صراع طويل مع مرض سرطان الرئة، تاركاً ورائه مشوار فني ثري ومتنوع لا ينسي.