حرصت الفنانة فريدة سيف النصر، على التعليق على أخبار تصدرها التريند من خلال حسابها بموقع تبادل الصور والفيديوهات "انستجرام".
كتبت فريدة، "هو في ايه بجد ايه، الخيبه اللي أنا فيها دي، كل ما أتنفس ولا أتصور ولا اتكلم ابقي تريند وحديث المدينة، ليه خير إن شاء الله".
أضافت، "محسيسني أني لسه صغنونة نوغه، وأني مثلا نزلت صوره كلي بلبس مثلا ملفت مش قاطعة لكم راسي وبس مالكم بجد، وجرايد ورقية محترمة ومواقع برضة كبيرة هو ما فيش غيري، في ناس أحلى وأصغر وأهم عندهم يرغوا فيه".
تابعت، "هاتحرموني أكون ذوق وأدي أخبار أو أرد على صحفيين خالص، وللعلم مابحبش أصد حد أو التعالي بالذات الشباب الجديد يكون جزائي عكس الكلام واخد عناوين فرقعه علشان التريند".
واختتمت، "الأمانة والمهنية أهم من مصطلحات السوشيال ميديا الجديدة دي، وعموما كده عيب لأي حد احترمته رغم صغر السن والحداثة في المهنة، ورديت وحبيت أسانده والنتيجة علشان فرقعة تخسرني ماشي ألف شكر ومش هرد تاني مع اعتذاري للجميع.
جدير بالذكر آخر أعمال الفنانة فريدة سيف النصر مسلسل "ريا وسكينة"، من بطولة روبي، مي عمر، أحمد خالد صالح، وعدد آخر من الفنانين، والمسلسل كان من تأليف محمد صلاح العزب وإخراج شيرين عادل.