الحقوا اشتروا| أسعار الدواجن هادية خالص والمحلات زحمة

أسعار الدواجن بقالها يومين ثابتة في مكانها، لا بتهش ولا بتنش، مش بتتحرك، وكأنها بتلعب معانا لعبة الأصنام، فالأسعار من أول امبارح وهي زي ما هي، من غير أي تغيير.
والمشكلة إن دي حاجة حلوة ووحشة في نفس الوقت، حلوة عشان السعر ثابت ومستقر مش بيرتفع زي ما كان بيحصل الأيام اللي فاتت، كانت أسعار الدواجن بتزيد كل يوم جنيه أو اتنين.
وحشة لأن السعر اللي ثابتة عنده الدواجن مرتفع مش رخيص، ولكن رغم ذلك في اقبال من المواطنين على شراء الدواجن وتخزينها ودا بسبب إن في توقعات بزيادة أسعار الدواجن في الفترة الجاية بسبب إن العلف سعره هيرتفع.
عشان كدا أسعار الدواجن غالية دلوقتي ورغم كدا المحلات زحمة، فالمصريين يتبعون قاعدة "نص العمى ولا العمى كله".
وإليكم أسعار الدواجن اليوم الأربعاء 2\3\2022 في امحلات والأسواق.

أسعار الدواجن اليوم
الدواجن البيضاء تتراوح بين 32 و 34 جنيه.
الأحمر البياض العتاقي ب 28 جنيه.
سجل كيلو الأوراك 42 جنيه، والدبوس ب 48 جنيه.
كيلو البانيه ب 82 جنيه.
سجلت الفراخ الأمهات 26 جنيه.
الفراخ البلدي الساسو ب 44 جنيه.
الكبد والقوانص ب 42 جنيه.
الفراخ البلدي الفيومي ب 50 جنيه، والفراخ البلدي العادية ب 48 جنيه.
الأرانب ب 50 جنيه، والرومي ب 65 جنيه.
زوج الحمام بيبدأ من 55 جنيه.
البط الفرنساوي وصل ل 40 جنيه، وسعر البط المسكوفي 50 جنيه.
والبط البلدي ب 52 جنيه، وكيلو البط المولار ب 37 جنيه.

أسعار الدواجن اليوماسعار الدواجناسعار الدواجن اليومالدواجنالدواجن النهاردهالفراخالفراخ بكامانخفاض اسعار الدواجناهم الاخباربكام سعر الفراخ