تامر عبد المنعم يهاجم حمو بيكا: هاتلك حد يقرالك

وجه الفنان تامر عبد المنعم، رسالة شديدة اللهجة لمطرب المهرجانات حمو بيكا، من خلال حسابه الشخصي بموقع "فيس بوك"، حيث كتب: "السؤال للدكتور حمو بيكا ولا ما حموهوش وكان إيه علاقة الحج نجيب ساويرس أما دافع عنكم ؟! ثم أنا ما هاجمتكش أساسا كل الموضوع أني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الامتحان وربنا معاه يعني ما منعكش".
أضاف تامر، "أما بالنسبة لوطنيتك اللي اقحمتها في الموضوع أحب أقولك أنا لم أشكك فيها وبالمناسبة وجودك أنت وفرقتك في احتفالات أكتوبر مش دليل عليها عشان تستند عليه شكرا.. نسيت أقول لك شوف حد بيعرف يقرأ عشان يقرأ لك".
وكان انتقد مطرب المهرجانات الفنان تامر عبد المنعم، بسبب هجومه عليه أمس في ندوة "قصر السينما"، بحضور الفنان هاني شاكر حيث قال: "أنتم ليه عايزين تحطمونا وليه شايفنا غلط، وزي ما بتقولوا البلد فيها قانون ماحدش يقدر يمنعنا من الغناء، إنتوا ليه شايفينا زبالة".
أضاف بيكا، في بث له عبر حسابه الشخصي بموقع "انستجرام"، "ليه مانغنيش في بلدنا ليه أغني بره مصر، إحنا في بلد حرية مافيهاش المنع، من ساعة ما الرئيس السيسي جه مصر، والبلد كل يوم بتتطور، ليه عايزين تخرجونا من البلد، واللي عمل غلط يحاسب عليه".
أخبار الفناخبار تامر عبد المنعمحمو بيكاهاني شاكر