عمرو أديب لنجلاء بدر: "الفستان ميتبلعش".. ورد مفاجئ من الأخيرة

وجهت الفنانة نجلاء بدر اعتذارًا على الهواء لجمهورها ومتابعيها بعد حالة الجدل التي أثارتها بالأمس بسبب فستانها على السجادة الحمراء في حفل افتتاح مهرجان الجونة السينمائي في دورته الخامسة.
وقالت "بدر" في اتصال هاتفي مع الإعلامي عمرو أديب ببرنامج "الحكاية" المذاع على فضائية "ام بي سي مصر": "أنا أسفة مكنتش متخيلة أن الفستان هيضايق الناس كده".
وأضافت "مش معنى كده إني قاصدة اضايق حد والله ما كان فيه حاجة مكنتش عايزة اضايق حد، وبعدين أنا قيموني بفني مش بالفستان".
وتابعت "الريد كاربت هو فاشون شو ده شغل ناس وأنا شماعة في الآخر للفاشون ديزينر والميكب ارتست"، ليعقب أديب قائلًا "هو كان تقيل شوية، عايزة الصراحة هو كان ميتبلعش صعب".
لترد نجلاء بدر "الفن فيه اختلاف مش شرط كل حاجة بنعملها تعجب كل الناس، أنا وصلت مرحلة اني مروحة ومش هكمل المهرجان أصلا".
واستطردت "أنا مش بعتمد على التريند ومش نازلة علشان ألفت النظر، ولو كده كنت قطعت الكتف التاني أنا أبسط من كده بكتير وأنا هرجعه خلاص".
اهم الاخبارتريندعمرو اديبفستان نجلاء بدرمهرجان الجونةنجلاء بدر