ساعدوها في الحصول على الليسانس وجوزها.. 4 شباب يردون الجميل لوالدتهم

قرر 4 شباب أن يردوا الجميل لوادتهم التي أُصيبت بالاكتئاب بعد طلاقها من والدهم منذ نحو 10 سنوات، فاقترحوا عليها أن تكمل تعليمها وتملي فراغها.
وبالفعل تقدمت الأم للالتحاق بالثانوية العامة، واجتازت امتحانات الثانوية، وحصلت على مجموع كبير، ولكنها قررت أن تلتحق بكلية الحقوق، وفقًا لرواية أحد أبنائها الذي يُدعى "محمد مرزق".
ويقول "مرزوق"، عبر حسابه على منصة التواصل الاجتماعي "فيسبوك"، "ماما مكملتش تعليمها عشان تتجوز وهى عندها 18 سنه وجابت 4 أولاد، وبعد طلاقها من بابا من حوالي 10 سنين جالها حاله من الاكتئاب، اقترحنا عليها أنا واخواتى انها تكمل تعليمها وده ممكن يشغلها شويه من اللى كانت فيه، وإن حياتها ممكن تتغير شويه، وفعلا أخدت القرار ده ودخلت الثانوية العامه وذاكرت واجتهدت وجابت مجموع كبير بعد كده اختارت تدخل كلية الحقوق، وفعلا دخلت الكليه وبدأت تحضر المحاضرات وتذاكر زي أي حد لحد ما جه اليوم اللى تتخرج فيه و بتقدير كمان".
وتابع: "أنا واخواتى عمرنا ما كنا نتخيل إنها توصل للمرحله دى!. احنا بجد فخوريين بيكى يا أمي، فعلًا علمتينا يعنى ايه مفيش حاجه اسمها مستحيل، وإن دايمًا فيه أمل.. انتي مثال للنجاح والطموح.. ربنا يخليكى لينا وعقبال ما نشوفك أحسن محاميه في مصر لأن الحلم و الطريق لسه مخلصش.. مبروك يا أمي".
ولم يتوقف رد الجميل عند هذا الحد، بل وعلى غير عادة الذكور في رفضهم الشديد لزواج الأم برجل آخر بعد طلاقها من الأب، قام الشباب الأربعة بتزويج والدتهم من رجل تقدم لخطبتها، حيث قال نجلها: "على فكرة هس كمان جالها عريس من سنة وجوزناها ف هي عروسة برضو".
ولاقت تلك القصة رواجًا وتفاعلًا كبيرًا على منصات التواصل الاجتماعي، وأعرب الكثيرون عن إعجابهم بدعم هؤلاء الشبان لوالدتهم، وطموح السيدة ورغبتها في أن تكمل حياتها غير ناظرة إلى السن.
4 شباب يحتفلون بتخرج والدتهمالاكتئابالحقوقاهم الاخبارسيدة تحتفل بتخرجهاكلية الحقوق