أسما شريف منير تكشف سبب الخلاف مع والدها.. وترد

أعادت أسما شريف منير، نشر الفيديو الذي يتضمن مجموعة من اللقطات والصور مع والدها الفنان شريف منير، على حسابها الشخصي بموقع تبادل الصور والفيديوهات "انستجرام".
علقت أسما، على الفيدديو قائلةً: " هي دي تقريبا علاقتي أنا وأبويا ناقر ونقير، أبويا برج الثور وأنا برج الحمل الاثنين طيبين بس سخنين ومتسرعين، عايزة احكيلكم على موقف مهم جدا وأثر فيا".
أضافت، "أبويا عمل حاجة امبارح علمتني حاجات كتير أوي، للي ميعرفش كان في سوء تفاهم كدا وكنت زعلت شوية منه، فجأة لقيته منزل ڤيديو عنده على الانستجرام بيطيب خاطري وبيقولي ماتزعليش قدام كل الناس، طبعا أنا كنت طايرة من الفرحة ونسيت اصلا إني كنت في يوم زعلانة لانها حركة في منتهي الجمال والحنية والطيبة، وكمان علمتني كتير أوي و ده اللي خلاني أحكي الموضوع".
تابعت، "أولا اتعلمت ان الاعتذار بيكبر الواحد جدا عمره ما يصغره، الكبرياء اللي يخلي حد فاكر انه لو معتذرش هو كده جامد ده كلام فارغ، علمني اني لما ازعل بنتي اعتذرلها لو فعلاً غلطانة عشان عرفت قد ايه بيفرق في النفسية ومش عشان احنا أهل يبقي مش وارد اننا نغلط".
أردفت، "أبويا جريء وصادق واللي على قلبه على لسانه وانا بحترمه وبحبه وبتعلم منه كل يوم، عامل معادلة صعبة وحقيقي خطيرة، مكس كده ما بين إنه صاحبي وأبويا، يعني ضحك وتهريج وأحكيله كل حاجة بس وقت الجد عسكري واقفة قدام حضرة الظابط".
واختتمت حديثها، قائلةً: " ربنا يبعد عنا العين الوحشة و يباركلي فيه وفي عمره وأفضل أتعلم منه كل يوم وأفضل فخورة إنه أبويا العمر كله".
وكان الفنان شريف منير، قد أعلن أمس عن نشوب خلاف بينه وبين نجلته أسما شريف منير، فقام بنشر فيديو يجمعه بها على حسابه الشخصي بموقع تبادل الصور والفيديوهات "انستجرام"، معلقًا عليه: " أنا منزل الكليب ده علشان بصالح أسما، بنتي وحبيبتي، لإني كنت مزعلها، متزعليش مني يا أسما، أنا فعلا كنت بايخ".