أحمد حسن وزينب يعلنان افتتاح مطعم بإسم ونكهة إبنتهما "إيلين".. شاهد

نشر اليوتيوبر أحمد حسن على حساباته الرسمية على مواقع التواصل الإجتماعى صور إعلان افتتاح مشروع خاص به مع زوجته زينب وهو مطعم وأطلقا عليه إسم " Aileen's " وكتب على هذه الصور :
بعد بكرة ( الخميس ) أجمل يوم فى حياتنا عشان أخيرًا حققنا حلمنا و هنفتح مطعم ( Aileen's )
يارب يكون فتحت خير علينا و بما انكوا عيلتنا التانيه لازم تشركونا فرحتنا و تكونوا موجودين فى افتتاح مطعمنا الساعه 3 العصر يوم الخميس الجاى ..!!
اوعدكوا انكوا هتاكلوا احلى فرايد تشيكن فى مصر و انا و زينب و كتير من المشاهير اللى بتحبوهم هنكون موجودين يوم الخميس من الساعه 3 العصر الى الساعه 10 بليل هنستناكوا لان اليوم ده هنخربها تصوير صور و فيدوهات سوا ده غير فى مفاجات كتير هتفرحوا بيها و هتعرفوها لما تيجوا ..!!
مستنى وقفتكم جنبنا و تشرفونا ياحلى ناس فى الدنيا عشان اليوم مش هيكمل غير بيكم و فى قرارات قررناها حابب اعرفهالكوا قررنا زى مهنتاجر على ارض الواقع نتاجر كمان مع ربنا فقررنا اننا نخرج 2 جنيه مع كل اوردر يخرج من المحل اول جنيه هيخرج للفقراء و المحتاجين و اليتامه و المرضى و تانى جنيه هيخرج لصندوق تحيا مصر دعما مننا لبلدنا الحبيبه مصر و القرار ده سارى طول ماحنا عايشين على وش الدنيا ان شاء الله ..!!
كل الناس لازم تشرفنى يوم الافتتاح هننبسط اوى بوجودكم جنبنا فى اليوم ده و عايزين يوم الافتتاح ده نقلب المعادى كلها و نولعها و اخيرا كل شخص جاى مينساش يجيب معاه كمامته و اللى مش هيجيب احنا هنجبلوا و هنستنا على باب المحل و ندهالوه
عنوان المطعم : شارع 9 فى ثكنات المعادى بجوار قهوه خير زمان و مترو ثكنات المعادى مطعم ( Aileen's )
اسهل طريقه ممكن تيجوا بيها للمطعم تركبوا مترو و تنزلوا محطه ثكنات المعادى و هتخرج من الباب اللى فى اتجاه شارع 9 و اول متخرجوا من المترو هتلاقوا المطعم على نفس الصف بتاع المترو بعد 50 مترو الاتجاه اليمين جنب قهوه قمر الزمان مستنينكوا عشان نخربها سوا يوم الخميس الساعه 3 العصر هنولعها "
وأنهالت عليهم التعليقات بالمباركات والتهنئة على هذا المطعم وكثير من متابعينهم قرر ووعدهم بالحضور فى الإفتتاح .
شاهد