"عشان بنت".. أم تعذب طفلتها بكل أنواع التعذيب (صور)

تداول رواد مواقع التواصل الاجتماعى وصفحات الفيس بوك منشور عن وضع طفلة معذبة من والدتها بكل أنواع وأشكال التعذيب المختلفة لكونها بنت وجاءت قصتها كالتالى على لسان فتاة روت قصتها على صفحتها الشخصية على الفيس بوك :
"البنت دي اسمها ساجده عندها 6 شهور من ساعة ما اتولدت وامها عرفت انها بنت بتعذب فيها بكل أنواع الطرق المختلفه من ساعة ما اتولدت مرضعتهاش وحتى اللبن اللي بيجيلها من الصحه بتاخده تبيعه الجيران هما اللي بيصرفوا علي البنت ومتكفلين بيها ف كل حاجه كل محد من الجيران ياخد البنت يقعدها معاه عشان يرحمها منها تروح تجيب البنت تاني وابوها موقفه سلبي لدرجة انه حتى لما قالوله هناخد البنت نربيها معانا وانساها خالص طالما مش حابينها قالهم انا هقتلها احسن؛ الموضوع لازم يوصل ويبقى رأي عام البنت دي لو قعدت معاهم اكتر من كدا هيقتلوها ((الكسر اللي ف رجلها دا بسبب أنها كانت بتعيط زي اي طفل عادي مقريف أو عايز ياكل بس امها راحت شالتها من طول ذراعها هبدتها على الأرض حرقتها ف ايديها وسخنت المعلقه وحرقتها ف وشها بتقطع ف شعرها من باب التسليه)) مع العلم ان معاها ولد بس مبعملش فيه كدا خالص
انا بستنجد بالناس أن هما يساعدوني أنقذ ساجده حرام طفله زي دي تتعذب كدا ولو مماتتش بسبب تعذيب امها ودا وارد هتطلع مريضه نفسيه أو هتعملها اعاقه تعيش بيها طول حياتها انتوا مستنينها تتقتلها طب وبعدين تطلع مع ريهام سعيد أو محمود سعد وتتحبس وبعدين تخرج تكمل حمايتها عادي يعني
هي ساكنه ف امبابه عندنا ف شارع المطار
#انقذوا_ساجده يجماعه
تعديل يجماعه لازم نوصل لأهل البنت ف أسرع وقت عشان هي اخدوها وهيمشوا من المنطقه لأن البوست وصلهم"
وقد تفاعل عدد كبير من مستخدمى الفيس بوك على هذا المنشور وتم نشرها على "جروبات" وصفحات الفيس بوم ونشرها فى كل مكان للمساعدة ومحاولة انقاذ هذه الطفلة حيث دشنوا هاشتاج " انقذوا ساجدة " مما جعل رجال الشرطة بإلقاء القبض على والد الطفلة ووالدتها .
وقامت الفتاة بتعديل المنشور بهذا الخبر كالتالى :
تعديل اخر الاخبار يابنات : القبض علي والد ووالدة ساجده وهما موجودين دلوقتي في قسم امبابة وبكرة هيتعرضوا علي النيابة .