محمد محمود عبدالعزيز عن عزاء هيثم أحمد زكي: "كنت مستني يدخل عليا"

أقيم مساء أمس السبت، عزاء الفنان الراحل هيثم أحمد زكي، بمسجد الشرطة بالشيخ زايد، بحضور عدد كبير من نجوم الفن.
ونشر الفنان محمد محمود عبدالعزيز عبر حسابه بموقع "إنستجرام" صورة تجمع والده مع الفنان الشاب هيثم أحمد زكي الذي رحل عن عالمنا قبل أيام قليلة.
وعلق على الصورة قائلًا: "النهاردة وأنا قاعد في العزاء كذا مرة أحس إن في حاجة غلط، وكل شوية أبص في وشوش الناس اللي داخله وكأني مستني أشوف هيثم وانسي تمامًا إن اللي أنا قاعد فيه ده عزاه وانسي إنه سبقني وراح للحبايب".
وأضاف: "رغم اننا آخر سنتين بالذات كنا بنتكلم كتير لكن المكالمة الأخيرة ليها وقع خاص جدًا، يمكن لأنها الأخيرة أو يمكن لأننا غوطنا في حاجات قديمة وجديدة، حاجات في الشغل، حاجات بتفرحنا وحاجات بتزعلنا حتي لو كانت تافهه واتريقنا علي روحنا وحاجات عن أهلنا خصوصا أبهاتنا أو يمكن أتكلمنا في حاجات ليها علاقة بربنا والموت والحياة، مش عارف".
وتابع: "شهر 11 بالنسبة لي من الأشهر الصعبة عليا أوي، وفي عز ما أنا بحاول تأهيل نفسي لإستقبال 12 يوم نوفمبر اللي هو يوم سنوية أبويا، حصل موضوع هيثم يوم 7 نوفمبر اللهم لا اعتراض، الحمدلله علي كل حال، الله يرحم أبويا وأبوك ويرحمك يا هيثم يا أخويا ويجمعنا ببعض علي خير .
واختتم منشوره قائلًا : "اللهم أغفر لنا وارحمنا واهدينا اليك ولا تردنا إليك وأنت راضى عما يارب العالمين (اسألكم الفاتحة لأبويا وللأستاذ أحمد ذكي ولأخويا هيثم أحمد ذكي ولكل من رحلوا عنا) رحم الله امرؤ كان وسيظل رمزاً من رموز الفن".
View this post on Instagram
النهارده و انا قاعد فى العزاء كذا مره احس ان فى حاجه غلط، و كل شويه ابص فى وشوش الناس اللى داخله و كأنى مستنى اشوف وش هيثم و انسى تماما ان اللى انا قاعد فيه ده عزاه و انسى انه سبقنى و راح للحبايب… رغم اننا اخر سنتين بالذات كنا بنتكلم كتير لكن المكالمه الاخيره ليها وقع خاص جداً، يمكن لأنها الاخيره او يمكن لأننا غوطنا فى حاجات كتير قديمه و جديده، حاجات فى الشغل، حاجات بتفرحنا و بتزعلنا حتى لو كانت تافهه و اتتريقنا على روحنا و حاجات عن اهلنا خصوصاً أبهاتنا او يمكن لأننا اتكلمنا فى حاجات ليها علاقه بربنا و الموت و الحياه، مش عارف… شهر 11 بالنسبالى من الاشهر الصعبه عليا اوى، و فى عز ما انا بحاول تأهيل نفسى نفسياً لإستقبال يوم 12 نوفمبر اللى هو يوم سنوية ابويا حصل موضوع هيثم يوم 7 نوفمبر، اللهم لا اعتراض، الحمد لله على كل حال، الله يرحم ابويا و ابوك و يرحمك يا هيثم يا اخويا و يجمعنا ببعض على خير… اللهم اغفر لنا و ارحمنا و اهدينا اليك ولا تردنا إليك إلا و أنت راضى عنا يا رب العالمين… (اسألكم الفاتحه و الدعاء لأبويا و للأستاذ أحمد زكى و لأخويا هيثم أحمد زكى و لكل من رحلوا عنا)
A post shared by محمد محمود عبدالعزيز (@mohamedmahmoudabdelaziz_) on Nov 9, 2019 at 3:02pm PST